16 ივლისს, "დინამო არენაზე" გამართული ჩემპიონთა ლიგის მეორე საკვალიფიკაციო რაუნდის პირველი მატჩის შემდეგ, თბილისის "დინამოსა" და ფარერების "სტრეიმურის" მთავარმა მწვრთნელებმა კომენტარი გააკეთეს.შეხვედრა მასპინძელთა გამარჯვებით, 6:1 დასრულდა და საპასუხო შეხვედრა, შეიძლება ითქვას, ფორმალობადღა იქცა.
რუნი ნოლსოე, "სტრეიმურის" მთავარი მწვრთნელი:
"თავიდან თანაბარი ბრძოლა იყო. გადამწყვეტი როლი ორმა ეპიზოდმა ითამაშა: პირველი, როდესაც 1:1-ზე "დინამო" სწრაფად ისევ დაწინაურდა და მეორე, როდესაც 2:1-ზე ხელსაყრელი მომენტით ვერ ვისარგებლეთ. მერე უკვე მეტოქემ აშკარად გვაჯობა.
1:3-ზე კონცენტრაცია დავკარგეთ, პლუს, ასეთ სიცხეში თამაშსაც შეუჩვეველები ვიყავით.
რაც შეეხება შანსებს,
დუშან უჰრინი, "დინამოს" მთავარი მწვრთნელი:
- დასაწყისი მართლაც მძიმე გამოდგა. ვერ ვიტყვი, რომ მეტოქის შემეშინდა, მაგრამ 1:1-ზე მაინც დავფიქრდი, "სტრეიმური" ორთაბრძოლებში საკმაოდ კარგად გამოიყურებოდა. შეიძლება ითქვას, რომ გადამწყვეტი დვალის გოლი იყო.
კარგი იქნება, საპასუხო შეხვედრაც რომ მოვიგოთ. ეს ჩვენ კონცენტრაციისთვის გვჭირდება.
- ძარიას ტრავმა სერიოზულია?
- იგი ფარერებზე, ალბათ, ვერ დაგვეხმარება. აქვე ვიტყვი, რომ ძარია გრიგალაშვილმა ძალიან კარგად შეცვალა.
- დვალის გამოცვლის შემდეგ სქემა არ შეცვლილა, თუმცა თამაში უფრო გაიხსნა - ამას რას მიაწერთ?
- მართალია, 4 გოლის გატანა ამის შემდეგ მოვახერხეთ, მაგრამ დვალიც და ვუოც შემტევები არიან და სქემა არ შემიცვლია.
- მერებაშვილს თქვენგან აქვს დავალება, რომ თამაში საკუთარ თავზე აიღოს თუ რატომ ჩანდა, რომ გუნდური თამაშიდან ამოვარდნილი იყო?
- არ ვფიქრობ, რომ ის ჩვენი თამაშიდან გამოთიშული იყო.
იხილეთ ვიდეო
ასევე იხილეთ:
დინამო-სტრეიმური 6:1 - მშვენიერი დაბრუნება [VIDEO]
![ეროვნული ლიგა. XXXI ტური. "დინამო" (თბ) - "იბერია 1999" [LIVE]](/pictures/image7/aef15f7bac811eb195df8fa9d10b2093.jpg "ეროვნული ლიგა. XXXI ტური. \"დინამო\" (თბ) - \"იბერია 1999\" [LIVE]")
![ეროვნული ლიგა. XXX ტური. "ტორპედო" - "დინამო" (თბ) [LIVE]](/pictures/image7/97a6fdd8fa390a9dda791a78e5b655eb.jpg "ეროვნული ლიგა. XXX ტური. \"ტორპედო\" - \"დინამო\" (თბ) [LIVE]")
