ევროპის ლიგის პირველ 1/8 ფინალურ მატჩში კიევის "დინამოსთან" (0:2) დამარცხების შემდეგ "მანჩესტერ სიტის" მცველმა პაბლო საბალიეტამ აღნიშნა, რომ თამაში რთული ძირითადად კიეველთა მოედნის გამო გამოდგა. ამასთან, მან აღიარა, რომ გარკვეული როლი იმ დაღლილობამაც შეასრულა, რომელიც გუნდს ბოლო დროს დაეტყო."რა თქმა უნდა, 0:2 საპასუხო შეხვედრის წინ არცთუ სასიამოვნო შედეგია. ჩვენს წინააღმდეგ რამდენიმე ფაქტორმა ითამაშა - კიეველთა მოედნის ცუდმა ხარისხმაც და დაღლილობამაც. ეს ფუჭი საუბარი არ არის, ფაქტია. მიუხედავად ამისა, საპასუხო მატჩმა ყველაფერი თავის ადგილას უნდა დააყენოს", - განაცხადა საბალიეტამ.
მომზადებულია uefa.com-ის მიხედვით
.
