ითამაშებს ჯანო ანანიძე პორტუგალიაში?

სამი პორტუგალიური, ორიც ჰოლანდიური კლუბი ცდილობს უეფას თასის მემკვიდრის, ევროპის ლიგის მე-2 გათამაშების მოგებას. ევროპის საკლუბო გრანდი ქვეყნებიდან (ესპანეთი, ინგლისი, გერმანია, იტალია) მხოლოდ ერთი წარმომადგენელია დარჩენილი - "ვილიარეალი". სამაგიეროდ, თითო მონაწილე ჯერ კიდევ შერჩათ რუსებსა და უკრაინელებს. ბოლოს კი ჩვენთვის ყველაზე საამაყო დეტალს დავატამებთ - ლიგის მოგების კანდიდატთა შორის ერთი ქართველია - ჯანო ანანიძე.

ჯანოს, მოგეხსენებათ, ტრავმა აწუხებდა, რის გამოც მან საქართველოს ნაკრებისა და "სპარტაკის" 2-2 თამაში გამოტოვა, თუმცა ვალერი კარპინმა ქართველი პორტუგალიაში წაიყვანა. ახლახან გამოჯანმრთელებული ქართველი იმ 20 ფეხბურთელს შორის მოხვდა, რომელთაგანაც მწვრთნელი "პორტუსთან" მატჩში 11 სასტარტოსა და 7 სათადარიგოს შეარჩევს.

გუშინ რუსებმა პორტუში პირველად ივარჯიშეს. ჯანომ სრული დატვირთვით ივარჯიშა, ჩვენ მას თავიდან სათადარიგოთა სკამზე ვვარაუდობთ.

"პორტუმ" ახლახან გაიფორმა ჩემპიონობა, მას შემდეგ, რაც უშუალო დაპირისპირებაში აჯობა ერთადერთ კონკურენტ "ბენფიკას". "პორტუს" 33 წლის მწვრთნელი ანდრე ვილას-ბოასი ჯერჯერობით დაუმარცხებელია შინაურ პირველობაზე: "ბენფიკას" და "სპარტაკს" ვერ შევადრი, სხვადასხვა სტილის გუნდებია. ჩვენი მომავალი მეტოქის რამდენიმე მატჩი ვნახე და შემექმნა შთაბეჭდილება, რომ "სპარტაკი" ძალზე სერიოზული გუნდია. ძალიან სახიფათოა მათი სწრაფი ფორვარდი ველიტონი, მით უფრო, როცა რუსული გუნდი კონტრშტევებზე თამაშობს. ჩვენ რაც შეგვეხება, ჩემპიონობით მოპოვებული ემოცია უკვე წარსულს ჩავაბარეთ და ბრძოლისთვის მზად ვართ."

ვილას-ბოასმა განაცხადიდან ამოიღო მცველი კრისტიან საპუნარუ, მის ნაცვლად ალბათ ვალტერი ითამაშებს. მიზეზი უცნობია, ვფიქრობთ, საქმე მცირე უთანხმოებასთან გვაქვს: "ჩვენ დავარწმუნეთ საპუნარო, რომ მის პოზიციაზე არანაკლები დონის ფეხბურთელი გვყავს", - განაცხადა ახალგაზრდა მწვრთნელმა.

ვალერი კარპინი: "რა უნდა ვთქვა "პორტუზე"? ჩვენ ვეთამაშებით პორტუგალიის ჩემპიონს, მისსავე მოედანზე, გველის ძალიან ძნელი მატჩი. პორტუგალიელებს კარგი დაცვა და ძალიან ძლიერი შეტევა აქვთ, რომლის საკვანძო ფიგურა ფალკაოა."


დღეს
ბენფიკა (პორტუგალია)-პსვ (ჰოლანდია) 23:05
ბენფიკა (სავარაუდო): რობერტო - მაქსი პერეირა, ლუიზაო, სიდნეი, კოენტრაო - სალვიო, ხავი გარსია, აიმარი, გაიტანი - სავიოლა, კარდოსო.
პსვ (სავარაუდო): ისაკსონი - მანოლევი, მარსელო, ბოუმა, პიეტერსი - ჰატჩისონი, ბაკალი, ენგელაარი - ლენსი, ბერგი, ჯუჯაკი.

დინამო (უკრაინა)-ბრაგა (პორტუგალია) 23:05
დინამო (სავარაუდო): შოვკოვსკი - სილვა, იუსუფი, ალმეიდა, პოპოვი - ვუკოევიჩი - ერიომენკო, ჰუსევი, იარმოლენკო - შევჩენკო, მილევსკი.
ბრაგა (სავარაუდო): არტური - პაულაო, გარსია, კაკა, სილვიო - უგო ვიანა, ვანდინიო, სალინო - პაულო სესარი, ალანი, ლიმა.

პორტუ (პორტუგალია)-სპარტაკი (რუსეთი) 23:05
პორტუ (სავარაუდო): Hელტონი - ფუსილე, როლანდო, ოტამენდი, ფერეირა - გუარინი, Fფერნანდო, მოუტინიო - ვალერა, ჰალკი, ფალკაო.
სპარტაკი (სავარაუდო): დიკანი - მაკეევი, სუხი, შეშუკოვი, კ. კომბაროვი - მაკგიდი, იბსონი, კარიოკა, დ. კომბაროვი - ალექსი - ველიტონი.

ვილიარეალი (ესპანეთი)-ტვენტე (ჰოლანდია) 23:05
ვილიარეალი (სავარაუდო): დ. ლოპესი - მარიო, გონსალო, მუსაჩიო, კატალა - ბ. ვალერო, მარჩენა, ბრუნო, კასორლა - ნილმარი, როსი.
ტვენტე (სავარაუდო): მიჰაილოვი - როსალესი, ვიზგერჰოფი, დუგლასი, ბუიზე - ბრამა, ლანდზაატი, იანსენი; რუისი, დე იონგი, ჩადლი.






.