ევროპის ლიგის საკვალიფიკაციო ეტაპზე რუსთავის "მეტალურგის" მეტოქე ერევნის "ბანანცმა" იჯარით დონეცკის "მეტალურგის" გოლკიპერი დმიტრი ნეპოგოდოვი გადაიბირა. სომხური კლუბის მესვეურები ევროპის ლიგის სტარტისთვის განსაკუთრებულად ემზადებიან და ნეპოგოდოვი გუნდის ძირითადი მეკარის სტეპან კაზარიანის შემცვლელად სურთ, რომელსაც ამჟამად ტრავმა აქვს.
უკრაინულ და სომხურ კლუბებს შორის შეთანხმებით, გოლკიპერი "ბანანცს" ერთი წლით დაეხმარება.
შეგახსენებთ, რომ რუსთავის "მეტალურგსა" და ერევნის "ბანანცს" შორის პირველი მატჩი 30 ივნისს, ვარზგენ სარგსიანის სახელობის სტადიონზე, ჩვენი დროით 17 საათზე დაიწყება.
