ევროპის ლიგის მეორე საკვალიფიკაციო ეტაპზე უელსურ "ლანელისთან" საპასუხო, შინაურ მატჩამდე თბილისის "დინამოს" ახალწვეულმა ესპანელებმა ფანკლუბის ვებგვერდზე კომენტარები გააკეთეს. ჩისკო: "უელსელებთან შეხვედრაში მაქსიმალურად კონცენტრირებულნი უნდა ვიყოთ, რათა აღარ გავიმეოროთ დაშვებული შეცდომები. გულშემატკივარს კი გამარჯვებას ვპირდებით".
იაგუე: "ვფიქრობ და იმედი მაქვს, რომ სტადიონზე მრავალი გულშემატკივარი მოვა და უელსელებს დავამარცხებთ".
კოტო: "ლანელისთან" მატჩში გულშემატკივრებს ლამაზ თამაშს და, უპირველესად, გამარჯვებას ვპირდებით".
შეგახსენებთ, რომ "დინამო" - "ლანელის" შეხვედრა ეროვნულ სტადიონზე 21 საათზე დაიწყება, პირდაპირ ტელერეპორტაჟს კი მეორე არხი შემოგვთავაზებს.
ყოველდღიური სპორტული გაზეთი "ლელო"
:)))))
მომწონს იუმორი