„ტოტენჰემს“ დღეს ედინბურგში ევროლიგის თამაში ელის „ჰართსთან“. ლონდონელებს, რასაკვირველია, შოტლანდიური გუნდის ძლევა და შეჯიბრების ჯგუფურ ეტაპზე მოხვედრა აქვთ დაგეგმილი, მაგრამ პრობლემა შეექმნათ - სქოთთა დედაქალაქში ყველა მეტ-ნაკლებად ნორმალური სასტუმრო დაკავებული აღმოჩნდა. საქმე ის არის, რომ ქალაქში, სადაც „ჰართსმა“ და „სფურზმა“ უნდა ითამაშონ, ედინბურგის ფესტივალი მიმდინარეობს.
საბოლოოდ ასე გადაწყდა: „დეზები“ ედინბურგიდან ერთი საათის სავალში, სენტ ენდრიუსში დაბანაკდნენ. რედნაპის ასისტენტმა ჯოი ჯორდანმა განაცხადა:
„რასაკვირველია, სასტუმროსთან დაკავშირებულმა პრობლემამ დაგვაბრკოლა, მაგრამ, ვფიქრობთ, ყველაფერს დავძლევთ“.
ყოველდღიური სპორტული გაზეთი "ლელო"
