იმ სამი ქართველიდან, რომელთა კლუბები ევროპის ლიგის ჯგუფურ ეტაპზე ასპარეზობენ, მეხუთე ტურში ორმა ითამაშა. სათადარიგოთა სკამზე ჯდომას დასჯერდა საბა კვერკველია, რომლის "რუბინმაც" შინ ირლანდიური "შემროკ როვერსი" 4:1 გაანადგურა."რუბინს" ჯგუფიდან გასასვლელად ბოლო ტურში საბერძნეთში პაოკ-თან ფრეც ჰყოფნის. ახალგაზრდა ქართველ მცველს იმ შეხვედრაში მონაწილეობის კარგი შანსი აქვს, რადგან მატჩს დისკვალიფიკაციის გამო მისი უშუალო კონკურენტი, ესპანელი სესარ ნავასი გამოტოვებს.
ჰაიფას "მაქაბი" კვიპროსზე აეკ-თან 1:2 დამარცხდა და, მართალია, ჯგუფში მეორე ადგილზე დარჩა, მაგრამ ბოლო ტურში შინ გერმანული "შალკეს" დამარცხება სჭირდება, რომელსაც, თავის მხრივ,
გრაცის "შტურმის" ძირითად შემადგენლობას დაუბრუნდა გიორგი ფოფხაძე, რომელმაც მოსკოვში, "ლოკომოტივთან" 1:3 წაგებულ შეხვედრაში სრულად ითამაშა და ყვითელი ბარათიც მიიღო. ავსტრიელები ტურნირს უკვე გამოეთიშნენ, მათთვის ბოლო ტური ფორმალობაა.
ყოველდღიური სპორტული გაზეთი "ლელო"
