"მანჩესტერ სიტის" მთავარმა მწვრთნელმა რობერტო მანჩინიმ "პორტუსთან" ევროპის ლიგის საპასუხო 1/16 ფინალური მატჩის წინ განაცხადა, რომ ამ ტურნირის მოგება გუნდისთვის მნიშვნელოვანი ამოცანაა."ევროპაში ორი საკლუბო ტურნირი არსებობს - ჩემპიონთა ლიგა და ევროპის ლიგა. ორივე მათგანი მნიშვნელოვანია.
ჩემპიონთა ლიგაში ვთამაშობდით, მაგრამ არ გაგვიმართლა. 10 ქულით ჯგუფიდან ვერ გავედით.
ახლა ჩვენთვის ევროპის ლიგის მოგება ძალიან მნიშვნელოვანია. ეს იოლი არ იქნება, რადგან ტურნირში რამდენიმე მაღალი კლასის გუნდი თამაშობს.
"მანჩესტერ სიტის" სურს, ფინალში ითამაშოს", - თქვა მანჩინიმ.
