"მანჩესტერ იუნაიტედის" თავკაცი ალექს ფერგიუსონი ბილბაოს "ატლეტიკთან" ევროპის ლიგის 1/8 ფინალის საპასუხო მატჩის შემდეგ იმედგაცრუებული იყო. თუმცა ამას შოტლანდიელი სპეციალისტისთვის ხელი არ შეუშლია, ბასკებისთვის საკადრისი მიეზღო.
მარსელო ბიელსას შეგირდებმა 2:1 გაიმარჯვეს და ტურნირის მეოთხედფინალში გავიდნენ.
"ატლეტიკს" ამ ტურნირზე დიდი წარმატების მიღწევის შესანიშნავი შანსი აქვს. ბიელსას სამუშაო სათანადოდ უნდა შევაფასოთ - მისი გუნდი ჯადოსნურად თამაშობს.
ეს გუნდი ფინალში გასვლას იმსახურებს. ჩვენ კი ამ შეხვედრაში დაშვებული შეცდომები უნდა გავაანალიზოთ", - აღნიშნა ფერგიუსონმა.
