ბილბაოს "ატლეტიკის" ნახევარმცველმა ხავი მარტინესმა "შალკესთან" (2:2) ევროპის ლიგის მეოთხედფინალის საპასუხო მატჩის შემდეგ ესპანური ფეხბურთის სიძლიერეს გაუსვა ხაზი."ძალიან კარგ სეზონს ვატარებთ და ვაპირებთ, ტურნირის ბოლომდე ვიბრძოლოთ.
ის, რომ ნახევარფინალში სამი ესპანური გუნდი მოხვდა, ესპანური ფეხბურთის უპირატესობად შეიძლება ჩაითვალოს.
ჩემპიონთა ლიგაშიც იგივე ხდება, სადაც ნახევარფინალებში მადრიდის "რეალი" და კატალონიის "ბარსელონა" არიან.
ამ დროისთვის ესპანური ფეხბურთი საუკეთესოა ევროპაში", - თქვა მარტინესმა.
