"ნაპოლის" მთავარმა მწვრთნელმა ვალტერ მაცარიმ ახსნა, თუ რატომ არ დააყენა პსვ-სთან ევროპის ლიგის მატჩზე ძირითადი შემადგენლობა.შეგახსენებთ, რომ აღნიშნული შეხვედრა იტალიელებმა ანგარიშით 3:0 წააგეს.
"მატჩი კარგად დავიწყეთ, თუმცა შემდეგ ბურთს ხშირად ვკარგავდით მოედნის ცენტრში. უბრალოდ, უნდა დავივიწყოთ ეს მატჩი.
თანამედროვე ფეხბურთისთვის როტაცია მნიშვნელოვანია. მხოლოდ ასე შევძლებთ ყველა ფრონტზე ბრძოლას.
იტალიის ჩემპიონატში "უდინეზესთან" მატჩი გველის. ამიტომ პსვ-სთან ძირითადი შემადგენლობა არ დამიყენებია.
არ გვყავს იმ რაოდენობის ფეხბურთელი, რომ ყველა ტურნირზე ვითამაშოთ", - თქვა მაცარიმ.
მომზადებულია Goal.com-ის მიხედვით
