საქართველოს 17-წლამდელთა ნაკრების საელიტრაუნდო სამზადისის შესახებ ჩვენი მკითხველი დეტალურადაა ინფორმირებული და პერიოდულად კობა ჟორჟიკაშვილის გუნდის მეტოქეთა შესახებაც გაწვდით ცნობებს. ჟორჟიკაშვილის შემდეგ, 18-კაციანი შემადგენლობა დაასახელა საქართველოს ნაკრების უმთავრესი მეტოქისა და ჯგუფის მასპინძლის, საფრანგეთის 17-წლამდელთა ნაკრების თავკაცმა პატრიკ გონფალონმა.საინტერესოა, რომ ნაკრებში წარგზავნილები საკმაოდ ბევრ კლუბს ჰყავს. ყველაზე მეტი, ოთხი ფეხბურთელი პსჟ-დანაა, სულ კი გონფალონის განკარგულებაში ათი ფრანგული და ერთი ესპანური კლუბის წევრები არიან.
მეკარეები: კვენტინ ბონარდიუ (ლე მანი), ლიონელ მპასი ნზო (პსჟ);
მცველები: ანტუან კონტე, ჟორდან იკოკო (ორივე – პსჟ), რაფაელ
ნახევარმცველები: ვესლი ჟობელო (მარსელი), კარლ მადიანგა (ლე მანი), საჰილო მეიტე (ოსერი), ადამ ნკისუ (ლე ავრი), ადრიენ ტამეზე აუსტა (ნანსი), აბდულაიე ტურე (ნანტი), აბდალა იასიენი (პსჟ);
თავდამსხმელები: სებასტიენ ჰალერი (ოსერი), გაეტან ლაბორი (ბორდო), ლენი ნანგი (კაენი).
შეგახსენებთ, ჩვენი გუნდი ელიტრაუნდის სასტარტო მატჩს სწორედ ფრანგების წინააღმდეგ ჩაატარებს და წარმატების შემთხვევაში ევროპის ჩემპიონატის ფინალურ ეტაპზე გასვლის რეალური შანსი გაუჩნდება. შეხვედრა 25 მარტს ნანტის “ლა ბოჟუარზე” გაიმართება.
პირველ შესარჩევ ეტაპზე საფრანგეთმა სლოვენიას 1:0 სძლია, კვიპროსთან 1:1 ითამაშა, იტალიასთან 1:2 დამარცხდა და ელიტრაუნდში გაჭირვებით გავიდა.
აქვე იმასაც გეტყვით, რომ ცნობილი გახდა კონტინენტის პირველობის ფინალური ეტაპის მეორე მონაწილე. მასპინძელ სერბეთს ჩეხეთი შეუერთდა, რომელმაც ელიტრაუნდი დამაჯერებლად მოიგო. ჩეხებმა სლოვაკებსა და იტალიელებს, შესაბამისად, 1:0 და 2:1 სძლიეს, ბოლო ტურში კი შოტლანდიას 1:1-ზე დაუზავდნენ. ჩეხეთის 17-წლამდელთა ნაკრები შარშანდელ ელიტრაუნდში გიორგი დევდარიანის გუნდის მეტოქე იყო და იმის მიუხედავად, რომ პირველ ტურში საქართველოს ნაკრებთან 0:1 დამარცხდა, მაინც შეძლო ჯგუფში გამარჯვება და ფინალური ეტაპის საგზურის მოპოვება.
