როდესაც ახალგაზრდული ნაკრების შეკრება დაიწყო, გუნდის მომზადების გრაფიკი წინასწარ იყო ცნობილი. 29 მაისს ნაკრების მთავარი მწვრთნელი ოთარ გაბელია "ამერის" სტადიონზე ორმხრივ თამაშს გეგმავდა.თუმცა გუშინ თამაში არ გამართულა, ნაკრებმა მორიგი ვარჯიში გამართა. გაბელიას თქმით, 27 მაისს "ბასაზე" ეროვნულ ნაკრებთან გამართულმა საკონტროლო შეხვედრამ სპარინგის პრობლემა მოუგვარა და ორმხრივის ჩატარება აუცილებელი აღარ გახდა. ალბათ, იმიტომაც, რომ ფეხბურთელების გადაღლა არ სურდა. 26 მაისს საქართველოს თასის ფინალში ნაკრებში "გაგრადან" გამოძახებულმა ლაშა კალანდაძემ და ნიკოლოზ ჯიშკარიანმა ითამაშეს, გუშინ "ჩიხურასთან" გადათამაშებაში კი - "სპარტაკის" ნახევარმცველმა თეიმურაზ
ნაკრები სრული შემადგენლობით კი მხოლოდ 31 მაისს შეიკრიბება. ფრანგული "ლე მანის" მეკარე გიორგი მაკარიძე გუშინ გვიან ღამით უნდა ჩამოფრენილიყო. დღეს, გვიან ღამევე ლოძის "ვიძევის" პლეიმეიკერ ნიკა ძალამიძეს ელიან და ყველა ფეხბურთელი ადგილზე იქნება.
გუნდი დღეს "ამერის" სტადიონზე ივარჯიშებს, 31 მაისს და 1 ივნისს საგურამოს ბაზაზე, 2 ივნისს კი ხორვატიაში გაემგზავრება.
