საქართველოს 17-წლამდელთა ნაკრები ბაქოში მიმდინარე "კასპიის თასზე" გუშინ ესპანეთს შეხვდა და სახელიან მეტოქესთან თავი არ შეურცხვენია - მატჩი 1:1 დასრულდა. ვასილ მაისურაძის გუნდმა წინა ორი შეხვედრა დამაჯერებლად კი მოიგო, მაგრამ ესპანეთს ბურთების შეფარდებით ჩამოუვარდებოდა და ფინალში გასასვლელად მხოლოდ გამარჯვება სჭირდებოდა.
საბოლოოდ, ჩვენს ჯგუფში სატურნირო ცხრილმა ასეთი სახე მიიღო:
1. ესპანეთი 3 2 1 0 15-1 7
2. საქართველო 3 2 1 0 11-2 7
3. ყაზახეთი 3 1 0 2 2-14 3
4. ტაჯიკეთი 3 0 0 3 1-13 0
16 ივნისს ფინალში ერთმანეთს ესპანეთი და თურქეთი შეხვდებიან, მესამე ადგილისთვის მატჩში კი საქართველოს ნაკრები მასპინძელ აზერბაიჯანს დაუპირისპირდება.
