ევროპის 17-წლამდელთა ჩემპიონატის შესარჩევი ციკლის ელიტრაუნდი 
ვიდეო საქართველო (U17) - ესპანეთი (U17) 1:1 (1:0)
გოლები: 0:1 ჭეჭელაშვილი (2), 1:1 საესი (59)
გაფრთხილება: დვალი (23), ბელერინი (26), კაკაბაძე (37), მესხი (69), მხევაშვილი (72), კოტანი (76), ჭეჭელაშვილი (80+3)
არბიტრი: კრის რაიში
საქართველო: ადამია, კაკაბაძე, დვალი, ჭანტურია, სამხარაძე, ჩეჩელაშვილი, აბურჯანია (გოროზია 32), პაპუნაშვილი, ახვლედიანი (მესხი 54), ჯიქია (წილოსანი 63), მზევაშვილი
მწვრთნელი: ვასილ მაისურაძე
ესპანეთი: ვეიგა, ბელერინი, გრიმალდო, საესი, სამპერი, კასტილეხო (იგლესიასი 53), მარტინესი (კოტანი 74), კალერო, სერანო (არგესი 41), ბუსტოსი, სანჩესი
მწვრთნელი: სანტი დენია
შეხვედრის პირველივე წუთებზე ქართველი ფეხბურთელების შეტევას მეტოქის კარში პენალტის დანიშვნა მოჰყვა, რომელიც ზუსტად ჭიაბერ ჭეჭელაშვილმა შეასრულა და ჩვენი გუნდი წინ გაიყვანა.
პირველი ტაიმი მაღალ ტემპში წარიმართა. სტუმრებმა საქართველოს ნაკრების კარს რამდენჯერმე სახიფათოდ შეუტიეს, თუმცა ვასილ მაისურაძის გუნდმა პირველი ტაიმის თავის სასარგებლო ანგარიშით დასრულება შეძლო.
შეხვედრის მეორე ნახევარში ესპანელებმა ანგარიშის გათანაბრება მაინც შეძლეს. გოლის ავტორი საესი გახდა, რომელმაც ადამიას კარის დალაშქვრა კუთხურიდან ჩამოწოდების შემდეგ მოახერხა.
გოლის გატანის კარგი შანსი ჰქონდა ალექსანდრე მზევაშვილს, რომელმაც ბრწყინვალე დრიბლინგით ჩამოიტოვა ესპანელი მცველები და მეკარესთან პირისპირ გასულმა დაარტყა, თუმცა ბოლო ეპიზოდში გამარჯვებული მეკარე დარჩა. გატანის კარგი შანსი მეტოქესაც ჰქონდა, მაგრამ ადამიამ ახლო მანძილიდან დარტყმული, თითქმის აუღებელი ბურთი მოიგერია.
საბოლოოდ შეხვედრა ფრედ 1:1 დასრულდა.
ელიტრაუნდის ჯგუფის დღის მეორე მატჩი, სადაც ერთმანეთს ინგლისისა და უკრაინის 17-წლამდელთა ნაკრები დაუპირისპირდნენ, ინგლისელთა გამარჯვებით 1:0 დამთავრდა.
შეგახსენებთ, რომ საქართველოს 17-წლამდელთა ნაკრები რიგით მეორე შეხვედრას ინგლისის ნაკრებთან გამართავს. მატჩი მიხეილ მესხის სახელობის სტადიონზე 28 მარტს, 14:00 საათზე გაიმართება.
ელიტრაუნდი. ჯგუფი III
1.ინგლისი 1 1 0 0 1-0 3
2.ესპანეთი 1 0 1 0 1-1 1
3.საქართველო 1 0 1 0 1-1 1
4.უკრაინა 1 0 0 1 0-1 0
მთავარი შედეგია!შეუძლებელია არაფერია კარგია რომ ბავშვებმა ეს დაინახეს და მეტად დარწმუნებულები გამოვლენ ინგლისთან,მაგარი იქნება რომ გავიმარჟვოთ ტურნირში 2 მოგება ცხალივით გვჭირდება,აწი ფრე წაგების ტოლფასი იქნება