საქართველოს ჩვიდმეტწლამდე ფეხბურთელთა ნაკრების ევროპის ჩემპიონატზე გასვლა ნიშნავს, რომ ქართულ ფეხბურთს მომავალი აქვს, - ამის შესახებ პრემიერ-მინისტრმა ნიკა გილაურმა მთავრობის სხდომაზე განაცხადა და საზოგადოებას ნაკრების გამარჯვება მიულოცა. "ბავშვებმა რეალურად ყველაფერი გააკეთეს, რომ ევროპის ჩემპიონატზე გასულიყვნენ. ეს ნიშნავს, რომ ქართულ ფეხბურთს მომავალი აქვს. ბევრად უფრო კარგი ახალი თაობა მოდის, ვიდრე ველოდებოდით და ყველაფერი უნდა გავაკეთოთ მათ ხელშესაწყობად", - განაცხადა გილაურმა.
მისივე თქმით, 5 აპრილს შედგება თათბირი საქართველოს ფეხბურთის ფედერაციის პრეზიდენტ ზვიად სიჭინავასთან, სადაც განიხილება ევროპის ჩემპიონატზე გამგზავრებამდე, ნაკრების დამატებითი შეკრებისათვის თანხების
ამასთან, როგორც სპორტისა და ახალგაზრდობის საქმეთა მინისტრმა ლადო ვარძელაშვილმა განაცხადა, ნაკრების წარმატება არის იმ სამწლიანი მუშაობის შედეგი, რომელიც ფეხბურთის მხარდაჭერის სახელმწიფო პროგრამის ფარგლებში განხორციელდა.
ვარძელაშვილის თქმით, ამ პროგრამის მიხედვით, ყველა ასაკობრივ ნაკრებში ბავშვების სწორი აღზრდა ხორციელდება; ხოლო დამატებითი სამუშაოები იქნება ჩასატარებელი ნაკრებთან, რადგან მათ არანაკლებ რთულ ჯგუფში მოუწევთ ასპარეზობა.
"ინტერპრესნიუსი"
