საქართველომ ელიტრაუნდი ბრწყინვალე გამარჯვებით დაიწყო: ოთარ კორღალიძის გაწვრთნილებმა ბოსნია-ჰერცოგოვინას ნაკრები დაიბრიყვეს. ეს ბალკანური გუნდი კი ხელწამოსაკრავი ნამდვილად არ არის, რადგან ბულგარეთში ჩატარებულ საკვალიფიკაციო ეტაპზე სამივე შეხვედრა მოიგო - რუსეთთან 2:0, ირლანდიასთან 2:0 და მასპინძელ ბულგარეთთან 2:1.
გუნდის რამდენიმე წევრი ცნობილ კლუბში ირიცხება მაგალითად, თავდამსხმელი ირფან ჰაჯიჩი "ვიტესში" გურამ კაშიას, გიორგი ჭანტურიას და ვალერი ყაზაიშვილის თანაგუნდელია. მეორე ჰოლანდიურ კლუბში, "უტრეხტში" ირიცხება შემტევი ნახევარმცველი მარკო მალეტიჩი, ნახევარმცველი საფეტ შივშიჩი - ზაგრების "დინამოში", ნახევარმცველი სანინ პრციჩი - ფრანგულ "სოშოში".
გამომდინარე იქიდან, რომ შეხვედრის მატჩი კორღალიძის შეგირდების უპირატესობით რომ დაიწყო, ტექსტურ რეპორტაჟში ნახსენები მომენტები მიუთითებს: მეტოქის კარის აღება სცადეს ვალერი ყაზაიშვილმა, გიორგი ჭანტურიამ და დანიური "ორჰუსის" თავდამსხმელმა დავით სხირტლაძემ.
რეალური საგოლე მომენტი ჰქონდა ყაზაიშვილს, მაგრამ მისი დარტყმის შემდეგ ბოსნიელები მეკარე კრისტიან იაიალომ იხსნა.
ბოსნიელების პირველივე მწვავე შეტევა კი გოლით დასრულდა: 20-ე წუთზე მალეტიჩმა ანგარიში გახსნა - 0:1.
საქართველოს ნაკრებმა კიდევ უფრო მწვავედ შეუტია, მეტოქეს გასაქანი არ მისცა და 15 წუთში სამი გოლი გაუტანა: 24-ე წუთზე წონასწორობა ყაზაიშვილმა აღადგინა, 35-ეზე გუნდი ჭანტურიამ დააწინაურა, 39-ეზე კი სხირტლაძემ საქართველოს უპირატესობა სოლიდური გახადა - 3:1.
თუმცა, შესვენებაზე ორბურთიანი სხვაობის შენარჩუნება ვერ მოვახერხეთ: 43-ე წუთზე საქართველოს კარში პენალტი დაინიშნა, რომელიც მალეტიჩმა გამოიყენა - 3:2. ქართველებმა შეტევით დაიწყეს მეორე ნახევარიც: 48-ე წუთზე ჭანტურიას დარტყმის შემდეგ ბალკანელები კვლავ იაიალომ გადაარჩინა.
54-ე წუთზე კი ჯვაროსნებს კვლავ მალეტიჩმა შეუტია და ამჯერად გუნდი ჩვენმა მეკარემ, დავით ლეგაშვილმა იხსნა.
61-ე წუთზე სხირტლაძემ გაიბრწყინა, დუბლი შეასრულა და ბოსნიელთა კარი მეოთხედ შეარხია - 4:2.
კორღალიძის გუნდი შეტევებს აგრძელებდა: კარს მერაბ გიგაური დაემუქრა, მალე კი ჭანტურია მორიგ მწვავე შეტევას ასრულებდა - მეტოქე აშკარა გოლისგან კვლავ მეკარემ იხსნა.
ბოსნიელთა საპასუხო შეტევაც გოლით უნდა დასრულებულიყო, ლეგაშვილს არმინ ხოჯიჩის სახიფათო დარტყმა რომ არ მოეგერიებინა.
ჯგუფის მეორე შეხვედრა ზაპრეშიჩში, "ინტერის" სტადიონზე გაიმართა და ჩვენთვის სასურველი შედეგით დასრულდა: მასპინძელი ხორვატია ავსტრიასთან ფრეს 2:2 დასჯერდა. მეტიც, ავსტრიელები 89-ე წუთამდე იგებდნენ.
U19. ევროპის ჩემპიონატის ელიტრაუნდი. I ტური. VI ჯგუფი
25.05. სესვეტე. "სვეტოგ იოსიპა რადნიკა".
საქართველო-ბოსნია 4:2
გოლები: 0:1 მალეტიჩი (20), 1:1 ყაზაიშვილი (24), 2:1 ჭანტურია (35), 3:1 სხირტლაძე (39), 3:2 მალეტიჩი (43. პენალტით), 4:2 სხირტლაძე (61).
საქართველო ბოსნია
ლეგაშვილი იაიალო
ზარნაძე სარვანი
გრიგალაშვილი ბევაბი
გაგნიძე გრაოვაცი
ჯგერენაია კუკავიცა
გიგაური ბილაჩი
პარუნაშვილი ზოლოტიჩი
ყაზაიშვილი მალეტიჩი
პაპავა პრციჩი
ჭანტურია შივშიჩი
სხირტლაძე კოჟული
მწვრთნელები
ოთარ კორღალიძე ტონი კარაჩიჩი
საქართველო
73. სხირტლაძე - გელაშვილი
83. ჭანტურია - სამუშია
90+1. პარუნაშვილი - კიკნაველიძე
სათადარიგოები: ტყეშელაშვილი, ტვილდიანი, სანდოხაძე, კვერნაძე.
ბოსნია
58. ბილაჩი -ხოჯიჩი
79. მალეტიჩი - ხაჯიჩი
90. სარვანი - ხაჯანოვიჩი
სათადარიგოები: დურაკოვიჩი, ხრელია, პეტროვიჩი.
გაფრთხილება: ზარნაძე (3), პაპავა (87).
არბიტრი: მ. ტიუკგორი (დანია)
მომდევნო მატჩები
27 მაისი
საქართველო-ხორვატია
ავსტრია- ბოსნია
სატურნირო ცხრილი
ა გ თ მ ფ წ ბ ქ
1.საქართველო 1 1 0 0 4:2 3
2.ხორვატია 1 0 1 0 2:2 1
3.ავსტრია 1 0 1 0 2:2 1
4.ბოსნია 1 0 0 1 2:4 0
შესანიშნავი დასაწყისი: პატარა ჯვაროსნებმა ბოსნიელები დაამარცხეს (იბეჭდება მცირე ცვლილებით)
ყოველდღიური სპორტული გაზეთი "ლელო"
ასევე იხილეთ
ოთარ კორღალიძე: ამ გუნდს გაცილებით მეტი შეუძლია და აუცილებლად მოუმატებს
ისე რა გახდა ფედერაცია ათას სისულელეს ,რომ აკეთებს ან ეს ჩვენი ტურფა მთავრობა. ხომ შეიძლება აჩვენონ ეს მატჩები ტელევიზიით.