U17. საქართველო-ყაზახეთი 13:1 - რეკორდების დღე ბაქოში

საქართველოს 17-წლამდელთა ნაკრებმა ბაქოში, კასპიის თასის ტრადიციულ საერთაშორისო ტურნირში, 30 მაისს პირველი შეხვედრა გამართა და ასტრონომიული ანგარიშით - 13:1 დაამარცხა ყაზახეთის 17-წლამდელთა გუნდი!

ასეთი უპირატესობით საქართველოს ნაკრებს, ეროვნულს თუ ასაკობრივს, აქამდე არასდროს გაუმარჯვია!

ყაზახებთან მატჩში რამდენიმე რეკორდი დამყარდა: საქართველოს ნაკრებმა პირველად გაიტანა 10-ზე მეტი გოლი; პირველად გაიმარჯვა 10 და მეტი ბურთის სხვაობით; ერთ მატჩში პირველად გაიტანა გოლი 9 ფეხბურთელმა; 17-წლამდელთა ნაკრების წევრმა პირველად შეასრულა პოკერი - ერთ მატჩში 4 გოლი!

საქართველოს 17-წლამდელთა ნაკრების მომდევნო მეტოქე ბულგარეთი იქნება. შარშან ამ ტურნირზე ჩვენმა 16-წლამდელებმა პირველი ადგილი დაიკავეს და კასპიის თასი მოიგეს. გუნდს მაშინაც ნოდარ აკობია წვრთნიდა.

30 მაისი, 2013. საერთაშორისო ტურნირი - კასპიის თასი. აზერბაიჯანი, ბაქო, ბაუილი
ყაზახეთი 1:13 საქართველო
გოლები: 1:0 ა. ასაინოვი (6), 1:1 გიორგი ბერიძე (19), 1:12 გიორგი ჯობავა (24), 1:3 გიორგი არაბიძე (36), 1:4 ცოტნე ნადარაია (44), 1:5 გიორგი ბერიძე (50), 1:6 ნიკა ლაშხია (52), 1:7 გურამ გოშთელიანი (55), 1:8 გურამ გოშთელიანი (59), 1:9 ნიკა ქორიძე (66), 1:10 გიორგი ზარია (68), 1:11 გურამ გოშთელიანი (71), 1:12 ბექა მიქელთაძე (76), 1:13 გურამ გოშთელიანი (79)
საქართველო: ბექა ქურდაძე (ოთო გოშაძე 41), ირაკლი კომახიძე, ვასილ კაციტაძე (გიორგი აბელაშვილი 58), რატი კაკიაშვილი, ცოტნე ნადარაია, ირაკლი ბიძინაშვილი (ნიკა ქორიძე 58), გიორგი ბერიძე (გიორგი წივილაშვილი 61), გიორგი ჯობავა (გურამ გოშთელიანი 41), ნიკა ლაშხია (ანდრო ნემსაძე 58), ბექა მიქელთაძე, გიორგი არაბიძე (გიორგი ზარია 61)
მწვრთნელი: ნოდარ აკობია
გაფრთხილება: გიორგი არაბიძე
მსაჯი: ა. იუსუფოვი (აზერბაიჯანი)

msy.gov.ge