23 ივლისს საქართველოს 19-წლამდელთა ნაკრებს ევროპის ჩემპიონატზე თითქმის გადამწყვეტი მატჩი აქვს. 19 საათსა და 30 წუთზე სერბეთს ვეთამაშებით, რომელიც სამი ქულით ჯგუფის ლიდერია.საქართველოს ფეხბურთის ფედერაციის საიტმა გია ცეცაძის გუნდის მცველის, ნიკა სანდოხაძის მატჩისწინა კომენტარი გამოაქვეყნა, სადაც ის ფრანგებთან განვლილ შეხვედრასა და მომავალი მატჩის მოლოდინზე საუბრობს.
ნიკა სანდოხაძე:
"ფრანგებთან ნათამაშები ფრე ყველას დამსახურებაა. მცველებს დიდი ჯაფა დაგვადგა, მაგრამ ჩვენი გუნდი იმითაა გამორჩეული, რომ აქ პირველი მცველი თავდამსხმელია და ეს დიდი პლუსია.
რაც შეეხება უშუალოდ დაცვის ხაზს, ყველა კარგად გაისარჯა. მართალია,
ჩვენ დიდი ხანია ერთად ვთამაშობთ და საკმაოდ კარგადაც ვართ შეთამაშებულნი.
ფრანგებთან თამაში რთული იყო, იქიდან გამომდინარე, რომ ძალიან სწრაფები არიან და ფიზიკურად ძლიერები. სანამ ალღოს ავუღებდით, მანამდე გაგვიჭირდა. შემდეგ უკვე, თამაში რომ გახურდა და კარგად დავინახეთ მათი ძლიერი და სუსტი მხარეები, იმისდა მიხედვით დავიწყეთ მოქმედება, რაც ჩვენს თამაშსაც დაეტყო.
მეორე თამაში ჩვენთვის კარგად ნაცნობ გუნდთან გვაქვს და შესაბამისად, ყველაზე მეტ ინფორმაციას მათზე ვფლობთ. ძალიან ძლიერი და პრინციპული მეტოქე გვყავს. თან, ისეთი თამაშია, რომ შესაძლოა, ჯგუფში ბევრი რამე ამ დაპირისპირებამ გადაწყვიტოს.
სუსტი მხარე ყველა გუნდს აქვს და ამაზე უშუალოდ მწვრთნელთან ვისაუბრებთ. ამასთან, კარგი შეტევის ხაზი ჰყავთ და თან, ელიტრაუნდის შემდეგ რამდენიმე ახალი ფეხბურთელი დაიმატეს.
დარწმუნებული ვარ, ძალიან მაგარი თამაში იქნება, გულშემატკივარს რომ უყვარს ისეთი, რადგან ისინი არაფერს დაგვითმობენ და ჩვენზე აღარ მაქვს ლაპარაკი...
ვინც მოედანზე იქნება და არ იქნება, ყველაფერს გავაკეთებთ, რომ ეს თამაში საჩვენოდ დამთავრდეს და წინ ერთი დიდი ნაბიჯი გადავდგათ".
gff.ge
ასევე იხილეთ:
U19. სერბეთი VS საქართველო - ჩვენ კი ვიცით, რომ უნდა მოვიგოთ!
U19. საქართველო-საფრანგეთი 0:0 - გამარჯვებაც ახლოს იყო [VIDEO]
![საქართველოს 19-წლამდელთა ნაკრებმა ლიეტუვა დაამარცხა [VIDEO]](/pictures/image7/e298fae04c08659f43d27d52505f0618.jpg "საქართველოს 19-წლამდელთა ნაკრებმა ლიეტუვა დაამარცხა [VIDEO]")
![19-წლამდელებმა შოტლანდია დაამარცხეს, 17-წლამდელებმა - თურქეთი [VIDEO]](/pictures/image7/f8e0bc2725c6ff98f1e7c80d1e2f0b7e.jpg "19-წლამდელებმა შოტლანდია დაამარცხეს, 17-წლამდელებმა - თურქეთი [VIDEO]")
ასეთი ბრძოლების მოგება ჩვენი საქმეა! მიდით ბიჭებო თქვენ გენაცვალეთ!! ქართველები რომ შეიკვრებიან და ლომივით იბრძოლებენ კაცი შვილი არაა ჩვენი მომგები!