საქართველოს 17-წლამდელთა ნაკრებმა ევროპის ჩემპიონატის შესარჩევი ეტაპი გამარჯვებით დაიწყო. 17 ოქტომბერს, მიხეილ მესხის სახელობის სტადიონზე გამართულ მატჩში ნოდარ აკობიას შეგირდებმა სან მარინოს თანატოლთა ნაკრებს ანგარიშით 3:1 სძლიეს.
აღსანიშნავია, რომ მასპინძლებმა სამივე გოლი პირველ ტაიმში გაიტანეს. საქართველოს ნაკრები წინ მე-8 წუთზე გიორგი ბერიძემ გაიყვანა, მე-19 წუთზე თავის გამოჩენა ვლადიმერ მამუჩაიშვილმა შორეული დარტყმით შეძლო, 33-ე წუთზე კი მესამე გოლი ნიკა ლაშხიამ შეაგდო.
მეორე ტაიმში სტუმრებმა ანგარიშის შემცირება შეძლეს - 67-ე წუთზე უმეთვალყურეოდ დარჩენილმა ანდრეა ტამანინიმ გაიტანა და თავის გუნდს უდიდესი სიხარული მიანიჭა
ჩვენი ჯგუფის მეორე შეხვედრაში, რომელიც მანამდე გაიმართა, ჰოლანდიელმა 17-წლამდელებმა "დინამო არენაზე" ფარერებს ოთხი უპასუხო გოლი გაუტანეს და შესაბამისად, ჯგუფს სათავეში ჩაუდგნენ.
ჯგუფში მომდევნო შეხვედრას ქართველი 17-წლამდელები 19 ოქტომბერს, 16:00 სთ-ზე ფარერებთან, კვლავაც მიხეილ მესხის სახელობის სტადიონზე გამართავენ, მანამდე კი ჰოლანდია სან მარინოს გორში, თენგიზ ბურჯანაძის სახელობის სტადიონზე დაუპირისპირდება.
![19-წლამდელებმა შოტლანდია დაამარცხეს, 17-წლამდელებმა - თურქეთი [VIDEO]](/pictures/image7/f8e0bc2725c6ff98f1e7c80d1e2f0b7e.jpg "19-წლამდელებმა შოტლანდია დაამარცხეს, 17-წლამდელებმა - თურქეთი [VIDEO]")
![ელიტრაუნდი 17-წლამდელებმაც მარცხით დაიწყეს [VIDEO]](/pictures/image7/12fdde7dcd7d45ac33a32de26b676ca6.jpg "ელიტრაუნდი 17-წლამდელებმაც მარცხით დაიწყეს [VIDEO]")
![სხირტლაძემ მეტოქეს სახეში დაარტყა და გააძევეს - ქართველების ჩხუბი თურქეთის ჩემპიონატში [VIDEO]](/pictures/image7/f41ad1c0c4b9994b6e719d22df4628cd.jpg "სხირტლაძემ მეტოქეს სახეში დაარტყა და გააძევეს - ქართველების ჩხუბი თურქეთის ჩემპიონატში [VIDEO]")
