დღეს, 17 ნოემბერს, საქართველოს 19 წლამდე ფეხბურთელთა ნაკრებმა ევროპის ჩემპიონატის ელიტრაუნდში თამაშის უფლება მოიპოვა. ვასილ მაისურაძის შეგირდებმა VIII შესარჩევ ჯგუფში ბოლო მატჩი ავსტრიელ თანატოლებთან ფრედ, 0:0 დაასრულეს და საბოლოოდ 4 ქულით მეორე ადგილი დაიკავეს. ქართველი ჭაბუკები საგზურის მოპოვებას ალბანელ თანატოლებს უნდა უმადლოდნენ, რომლებმაც პარალელურად მიმდინარე ჯგუფის მატჩში უელსს ანგარიშით 3:2 მოუგეს.
ევროპის ჩემპიონატის ელიტრაუნდის კენჭისყრა ნიონში, უეფას შტაბბინაში 3 დეკემბერს გაიმართება.
საქართველოს ნაკრებმა მატჩი ამ შემადგენლობით ჩაატარა: გოშაძე, ნადარია, ლოჩოშვილი, კაკიაშვილი, ართმელაძე, ბაშალეიშვილი (66, ალთუნაშვილი), მამუჩაშვილი, კომახიძე, კიკნაძე (80, გვარაძე),
აღსანიშნავია, რომ შესარჩევ ჯგუფში ჩატარებულ სამ მატჩში ქართველმა ჭაბუკებმა მხოლოდ ერთი გოლი გაიტანეს - ალბანეთთან მინიმალური ანგარიშით მოგებულ შეხვედრაში, მანამდე კი უელსთან 0:3 დათმეს. ჯგუფში პირველი ადგილი 7 ქულით ავსტრიამ დაიკავა.
![საქართველოს 19-წლამდელთა ნაკრებმა ლიეტუვა დაამარცხა [VIDEO]](/pictures/image7/e298fae04c08659f43d27d52505f0618.jpg "საქართველოს 19-წლამდელთა ნაკრებმა ლიეტუვა დაამარცხა [VIDEO]")
![19-წლამდელებმა შოტლანდია დაამარცხეს, 17-წლამდელებმა - თურქეთი [VIDEO]](/pictures/image7/f8e0bc2725c6ff98f1e7c80d1e2f0b7e.jpg "19-წლამდელებმა შოტლანდია დაამარცხეს, 17-წლამდელებმა - თურქეთი [VIDEO]")
