საქართველოს ახალგაზრდული ნაკრების მთავარმა მწვრთნელმა გია გეგუჩაძემ უახლოესი ამხანაგური მატჩისთვის გუნდში ესპანური "ალბასეტეს" 20 წლის ნახევარმცველი ლადო მოხევიშვილი იხმო.აღნიშნული ინფორმაცია ესპანური კლუბის ოფიციალურ "ტვიტერზე" გამოქვეყნდა. შეგახსენებთ, რომ საქართველოს ახალგაზრდული გუნდი 6 ოქტომბერს სტუმრად ამხანაგურ მატჩს ფრანგებთან ჩაატარებს.
მოხევიშვილს "ალბასეტეში" დებიუტი არც ისე დიდი ხნის წინ ჰქონდა. მისი დებიუტი ესპანურ კლუბში 31 აგვისტოს ქვეყნის სათასო შეხვედრაში შედგა, სადაც "ალბასეტემ" "რეალ უნიონს" უმასპინძლა და ანგარიშით 2:1 დაამარცხა. თავის სადებიუტო შეხვედრაში ქართველმა ნახევარმცველმა მოედანზე 58 წუთი გაატარა.
![ახალგაზრდული ნაკრები ნიდერლანდებთან დამარცხდა და შვედეთთან გადამწყვეტი მატჩი ელის [VIDEO]](/pictures/image7/c4f6a5aa22d407f90dadbaddd1b0ad6a.jpg "ახალგაზრდული ნაკრები ნიდერლანდებთან დამარცხდა და შვედეთთან გადამწყვეტი მატჩი ელის [VIDEO]")
