დღეს ევროთასების კენჭისყრაა - "სამტრედიის" 5 სავარაუდო მეტოქე

დღეს, 19 ივნისს, შვეიცარიის ქალაქ ნიონში ჩემპიონთა ლიგისა და ევროპალიგის საკვალიფიკაციო ეტაპების წილისყრა გაიმართება. შეგახსენებთ, რომ ევროტურნირებზე ოთხი ქართული კლუბია.

ჩემპიონთა ლიგაზე თავის მეტოქეს ელის ქვეყნის ჩემპიონი "სამტრედია", რომელიც ტურნირში II საკვალიფიკაციო ეტაპიდან ჩაებმება.

კენჭისყრის დაწყებამდე სამტრედიელთა სავარაუდო მეტოქეთა რიცხვი ხუთამდე შემცირდა. ესენია: აპოელ-ი (კვიპროსი), "ყარაბაღი" (აზერბაიჯანი), "პარტიზანი" (სერბეთი)", "ზალცბურგი" (ავსტრია) და "ლუდოგორეცი" (ბულგარეთი").

ჩემპიონთა ლიგის კენჭისყრა თბილისის დროით 14:00 საათზე დაიწყება, მატჩები კი 11-12 ივლისსა და 18-19 ივლისს გაიმართება.

15:00 საათზე ევროპალიგის საკვალიფიკაციო ეტაპის კენჭისყრა დაიწყება, სადაც თავიანთი მეტოქეების შესახებ ქუთაისის "ტორპედო", საჩხერის "ჩიხურა" და ბათუმის "დინამოც" შეიტყობენ. 5-5-მდე შემცირდა მათი სავარაუდო მეტოქეთა რაოდენობაც.

"ტორპედოს" სავარაუდო მეტოქეები არიან: "ტრენჩინი" (სლოვაკეთი), "მაკაბი" (ისრაელი), "ინტერი" (აზერბაიჯანი), "შირაქი" (სომხეთი) და "დაჩია" (მოლდოვა).

საჩხერის "ჩიხურას" სავარაუდო მეტოქეები არიან: "ლეხი" (პოლონეთი), "ქაირათი" (ყაზახეთი), "ალტახი" (ავსტრია), "ლევსკი" (ბულგარეთი), "ზირა" (აზერბაიჯანი).

ბათუმის "დინამოს" სავარაუდო მეტოქეები არიან: "ორდაბასი" (ყაზახეთი), "ვიდეოტონი" (უნგრეთი), "ბოტევი" (ბულგარეთი), "იაგელონია" (პოლონეთი) და "სლოვანი" (სლოვაკეთი).

ევროპალიგის I საკვალიფიკაციო ეტაპის მატჩები 29 ივნისსა და 6 ივლისს გაიმართება.