"ვიტ ჯორჯიამ" თურქული შეკრება გამარჯვებით დაასრულა. ვეტერინარები ქვედალიგელ "მარაშსფორს" გაეჯიბრნენ და 2:1 მოუგეს. ვიტელთაგან ორივე გოლი ბესიკ ჩიმაკაძემ გაიტანა.ზურაბ ბერიძის გუნდმა ამ შემადგენლობით ითამაშა: მიქაბერიძე - ხურცილავა, ადამაძე, კასრაძე, ღანიაშვილი - გურამ გურეშიძე, ვასაძე - კორიფაძე (60. ზაქრაძე), ჯანელიძე, ჯუღელი (46. ხუჭუა) - ჩიმაკაძე.
შეგახსენებთ, ბოლუში "ვიტ ჯორჯიამ" ოთხი სპარინგი გამართა, საიდანაც სამში გაიმარჯვა, ერთი კი ფრედ დაასრულა. გუნდი ბოლუდან თბილისში დღეს დაბრუნდება. ეროვნული ჩემპიონატის პირველ ტურში ვეტერინარები 6 აგვისტოს გორის "დილას" უმასპინძლებენ.
ყოველდღიური სპორტული გაზეთი "ლელო"
