როგორც მოსალოდნელი იყო, ბოლოდროინდელი წარუმატებლობების გამო ბოლნისის "სიონის" ხელმძღვანელობამ სამწვრთნელო შტაბში ცვლილებები განახორციელა. მართალია, ვახტანგ ჩაგელიშვილისა და ჯონი ჯაგიდისის ,,დუეტი"" თანამდებობაზე დატოვეს, მაგრამ გუნდის მწვრთნელ-კონსულტანტად ლევან ბაჯელიძე დანიშნეს.
კონსულტანტად, ალბათ, იმიტომ, რომ ლიცენზიას არ ფლობს, თორემ "სიონის" ფაქტობრივი მთავარი მწვრთნელი სწორედ იგი იქნება. ბაჯელიძეს, რომელსაც "სიონის" შემადგენლობაში არაერთი სეზონი ჩაუტარებია, ბოლო წლებში კლუბის სპორტული დირექტორის პოსტი ეკავა.
ყოველდღიური სპორტული გაზეთი "ლელო"
