რამდენიმე დღის წინ თბილისში "სპარტაკთან" მატჩისას როინ კვასხვაძემ ხელი დაიზიანა და შესაცვლელი შეიქნა. ერთი შეხედვით, "ზესტაფონის" მეკარის ტრავმა არცთუ საშიში იყო, მაგრამ, როგორც აღმოჩნდა, კვასხვაძეს ხელის თითი აქვს მოტეხილი და ეროვნული ჩემპიონატის უახლოესი ტურები გაუცდება. მოედანს იგი, სავარაუდოდ, ნოემბრის შუა რიცხვებში დაუბრუნდება.
შესაბამისად, კვასხვაძე ვერც საქართველოს ეროვნულ ნაკრებში გამოცხადდება მოლდოვასთან ამხანაგური მატჩისთვის შეკრებაზე.
მის არყოფნაში "ზესტაფონის" კარს გუნდის კაპიტანი ზურაბ მამალაძე დაიცავს.
ყოველდღიური სპორტული გაზეთი "ლელო"
