30.10. თბილისი. მ. მესხი. 300 მაყურებელიდინამო-სპარტაკი 2:0
1:0 კოტო (11), 2:0 ალვარო (85)
დინამო სპარტაკი
4-3-3 4-2-2
ლორია ძაგანია
შ. კაშია თიბილაშვილი
ჰომოლა ტეტუნაშვილი
რეხვიაშვილი დ. ლომაია
ოდიკაძე ხუბუა
კვეკვესკირი შალამბერიძე
ალვარო თ. შონია
კოშკაძე ვ. კილასონია
კოტო შარაშენიძე
კახელიშვილი რ. ჯიქია
ჩისკო მეტრეველი
მწვრთნელი მწვრთნელი
ა. გარსია ვ. ხაჩიძე
დინამო
74. კახელიშვილი - ლექვთაძე
81. ჩისკო - ჯიღაური
87. კოტო - იაგუე
სათადარიგოები: ზარქუა, ხოჭოლავა, თექთურმანიძე, რობერტინიო
სპარტაკი
46. შარაშენიძე - მამუჩიშვილი
60. კილასონია - რუხაძე
84. ჯიქია - თუხარელი
სათადარიგოები: ნ. დაუშვილი, ბოიომო, სეფიაშვილი, ლობჯანიძე
გაფრთხილება: ვ. კილასონია (18)
არბიტრი: ლ. სილაგავა
წინა
"სპარტაკს" ურიგოდ სულაც არ უთამაშია და მატჩის გადარჩენის შანსს ბოლო წუთებამდე ინარჩუნებდა, მაგრამ "დინამომ" მაინც უკეთესი შთაბეჭდილება დატოვა და დამსახურებულადაც გაიმარჯვა.
"დინამოს" დაცვის ხაზი გუშინ უჩვეულოდ გამოიყურებოდა - ლევან კაკუბავასა და გულვერდ თომაშვილის ტრავმების გამო დაცვის ცენტრი ირჟი ჰომოლამ და გიორგი რეხვიაშვილმა დაიკავეს, მარჯვენა ფლანგზე შოთა კაშია გაამწესეს, მარჯვენაფლანგელმა დავით ოდიკაძემ კი მარცხენა მცველის პოზიციაზე ითამაშა.
პირველ ტაიმში გამოკვეთილილი უპირატესობა არც ერთს ჰქონია, მაგრამ "დინამომ" მთავარი ამოცანის შესრულება, სწრაფი გოლის გატანა მაინც შეძლო - "სპარტაკის" მცველებმა საჯარიმოდან ბურთი კარგად ვერ გამოიტანეს და კარლეს კოტომ ერთი შეხებით ცხრიანში ეფექტურად გაიტანა.
ვლადიმერ ხაჩიძის გუნდი ბედს არ შეურიგდა, თუმცა შესვენებაზე მეტოქეს ბევრი ვერაფერი დააკლო. რევაზ ჯიქიას ორ არცთუ სახიფათო დარტყმას რეალურ მომენტს ნამდვილად ვერ ვუწოდებთ. სამაგიეროდ, "დინამოს" შეეძლო უპირატესობის განმტკიცება. ტაიმის მიწურულს გიორგი კახელიშვილმა ხელსაყრელი პოზიციიდან დარტყმას ალექსანდრე კოშკაძისკენ პასი ამჯობინა და "დინამოს" კაპიტანს დარტყმა არ გამოუვიდა.
მეორე ტაიმი პირველზე უკეთესი სანახავი გამოდგა და გიორგი ლორიას საქმე გაუჩნდა. მან ჯერ მასთან პირისპირ გასულ გელა ხუბუას აჯობა, შემდეგ კი "სპარტაკის" კაპიტანი თეიმურაზ შონია უფრო ახლოს იყო გოლთან, მაგრამ "დინამო" საკუთარი კიპერის რეაქციამ იხსნა.
82-ე წუთზე კი "დინამოს" დაცვის შეცდომის წყალობით ჯიქია მეკარესთან პირისპირ გავიდა, მაგრამ სუსტად დაარტყა და ლორია ბურთს იოლად დაეუფლა.
უქმად არც მასპინძლები ყოფილან. საგოლე მომენტები ხელიდან გაუშვეს კოშკაძემ, კოტომ, კახელიშვილმა და მიკელ ალვარომ. თუმცა ეს მატჩი აშკარად არ იყო 1:0-ის შესაფერისი და საკუთარი გუნდის უპირატესობა ანგარიშში ალვარომ ასახა, თანაც როგორ: მოედნის ცენტრალურ წრეს რამდენიმე მეტრით გაცდენილმა "სპარტაკის" კარში ძლიერად და, რაც მთავარია, ზუსტად დაარტყა - 2:0. ეს გოლი მხოლოდ ტურის კი არა, ჩემპიონატის მშვენებაა!
დარჩენილ წუთებში საინტერესო აღარაფერი მომხდარა და გუშინ დაფიქსირებული რამდენიმე მოულოდნელი ანგარიშის შემდეგ ტურის ბოლო მატჩი მოსალოდნელი შედეგით დასრულდა.
ყოველდღიური სპორტული გაზეთი "ლელო"
