16.03.2012. თბილისი. ეროვნული. 1500 მაყურებელი. დინამო-მერანი 2:2
გოლები: 1:0 ჩისკო (22), 2:0 კოშკაძე (32), 2:1 ჟვანია (39. პენ), 2:2 ჩალაძე (58).
დინამო მერანი
4-3-3 4-3-3
ლორია შეროზია
ტვილდიანი კაკუშაძე
კვეკვესკირი ჟვანია
თომაშვილი იობაშვილი
ხმალაძე გეგეჭკორი
ოდიკაძე დიდავა
კოშკაძე მანწკავა
ძარია ე. გრიგალაშვილი
მერებაშვილი ტორონჯაძე
ჩისკო ტაპე
გოგუა სუხიაშვილი
დინამო
46. ჩისკო - ჯიღაური.
75. ოდიკაძე - რობერტინიო.
სათადარიგოები: სეფიაშვილი, რეხვიაშვილი, ანდრეუ, იაგუე
მერანი
18. კაკუშაძე - ჩალაძე
90. ტაპე - ბოხუა
88. ტორონჯაძე - ამბროლაძე.
სათადარიგოები: შენგელია, კიკალიშვილი, ვართაგავა, ფონიავა.
გაფრთხილება: ოდიკაძე (43), რობერტინიო (90+2), ხმალაძე (90+3), მანწკავა (90+3).
გაძევება: ძარია (37).
არბიტრი:
16 მარტს "ეროვნულზე" მისული გუილშემატკივარი არ ნანობდა, ცივი საღამო ფეხბურთს რომ დაუთმო. ეს ისეთი შეხვედრა იყო, ეროვნული ჩემპიონატის რეკლამად რომ გამოდგება: ყველაფერი ერთად ვიხილეთ, ლამაზი კომბინაციები, გოლები, გაძევება, შეხლა-შემოხლა, მოულოდნელი და დრამატული სიუჟეტი...
მატჩი "დინამოს" უპირატესობით დაიწყო, მაგრამ პირველი მომენტი სტუმრებმა შექმნეს: მე-6 წუთზე გიორგი მანწკავამ სახიფათოდ შეასრულა ჯარიმა, ბურთი ძელმა აისხლიტა, დამატებაზე ვალერი იობაშვილი ცდილობდა გატანას, მაგრამ გიორგი ლორიას ვერ აჯობა.
ამის შემდეგ "დინამო" მომენტს მომენტზე ქმნიდა, მე-8 წუთზე ჩისკო მეკარესთან პირისპირ გავიდა, მაგრამ ჯონი შეროზია ფეხებში ჩაუხტა და მომენტი განმუხტა.
14-ე წუთზე "მერანი" ისევ გადარჩა: გოგუა-ჩისკოს სწრაფ და ლამაზ კომბინაციას საჯარიმოს ხაზიდან გიორგი მერებაშვილი აგვირგვინებდა - ძელი!
მოსახდენი მაინც მოხდა: 22-ე წუთზე ნიკა კვეკვესკირმა ჩინებული გადაცემით საჯარიმოში დასარტყმელ პოზიციაზე ჩისკო გაიყვანა, ესპანელმა კი მახვილი კუთხიდან ზუსტი დარტყმით ანგარიში გახსნა.
10 წუთში "დინამომ" კიდევ ერთხელ აიღო სტუმართა კარი: ლამაზი კომბინაცია ჩისკომ მარჯვენა ფლანზე წამოიწყო, საპირისპირო მხარეს გოგუა შენიშნა, რომელიც საჯარიმოში შეიჭრა და უმეთვალყურეოდ დარჩენილი ალეკო კოშკაძეს ბურთი თავზე დაასვა და "დინამოს" კაპიტანმა სხვაობა ორამდე გაზარდა.
თითქოს ყველაფერი ცხადი იყო, მაგრამ 36-ე წუთზე ყველაფერი აირია: მარტვილეთა შეტევას გიგა ჟვანია ასრულებდა, ლორიამ ბურთი კი მოიგერია, მაგრამ კარში წავიდა და ირაკლი ძარია ხელით გადაეღობა. მთავარმა მსაჯმა დავით ხარიტონაშვილმა ძარია მოედნიდან გააძევა და მასპინძელთა კარში პენალტი დანიშნა, რომელიც თავად ჟვანიამ ზუსტად შეასრულა - 2:1.
თბილისელებს დაბნეულობა დაეტყოთ, სტუმრები კი მიმდინარე ჩემპიონატში ბრძოლისუნარიანობითა და გამართული ფეხბურთით გამოირჩევიან და ამ მატჩის ბედიც შემოატრიალეს.
43-ე წუთზე შეხლა-შემოხლა მოხდა, როდესაც დავით ოდიკაძე ძალიან უხეშად ეთამაშა ლაშა ჩალაძეს, თუმცა, ეს ეპიზოდი მშვიდად, ტაიმი კი "დინამოს" გამარჯვებით დასრულდა.
მარტვილელები მეორე ნახევარში გააქტიურდნენ და კურიოზული გოლი გაიტანეს: საკუთარ საჯარიმოსთან ოდიკაძის გადაცემა ჩალაძემ ჩაჭრა, კუთხის ალამის სიახლოვიდან მეკარის ბაქანში ჩაკიდებას ცდილობდა, მაგრამ ბურთი კარში მოიჭრა, "ცხრიანში" ჩაეშვა და მერანელთა და მათი ქომაგების სიხარულს საზღვარი არ ჰქონდა - 2:2!
კაცნაკლულობის მიუხედავად, დინამოელებმა მეტოქეს მთელი ძალით შეუტიეს, მათი შეტევების სული და გული კი ჯოტია ცაავასავით გაბრაზებული გოგუა იყო. 59-ე წუთზე მისი გადაცემის შემდეგ საჯარიმოში ეფექტური მოძრაობით გიორგი მერებაშვილი შეიჭრა, კარის წინ ბურთი გულვერდ თომაშვილს გადააწოდა, მაგრამ "დინამოს" მცველმა არაზუსტად დაარტყა.
მალე მერებაშვილი კიდევ ერთხელ გაცდა მცველებს და კარის აღებას შეეცადა - შეროზიამ კვლავ საიმედოდ ითამაშა.
დინამოელები ბევრს უტევდნენ, მაგრამ სიზუსტე არ ჰყოფნიდათ, "მერანი" კი კონტრშეტევეს ახორციელებდა. ორჯერ შეეძლო თავის გამოჩენა ანზორ სუხიაშვილს, რომელიც გიორგი მანწკავასთან ერთად, სტუმართა შორის გამორჩეული იყო: 76-ე წუთზე მან კარს მცირე მანძილით ააცილა. ერთ წუთში კი, ლორიამ მამუკა ტორონჯაძის დარტყმული ბურთი რომ მოიგერია, კარის წინ მარტო დარჩენილი მერანელმა დამატებაზე რეალური საგოლე მომენტი ვერ გამოიყენა.
მსაჯის საფინალო სასტვენმა დრამატული მატჩი დაასრულა და მასპინძლები დაამწუხრა, სტუმრებმა კი უზომოდ გაახარეს.
მატჩის შემდეგ
გიორგი დევდარიანი, თბილისის "დინამოს" მთავარი მწვრთნელი:
"თამაში კარგად დავიწყეთ, მაგრამ კაცნაკლულები რომ დავრჩით, ყველაფერი აირია. ჩემამდე არ დადის, ასეთმა გუნდმა დეკემბრის შემდეგ ერთი შეხვედრა როგორ ვერ მოიგო? ძალიან კარგი და გამართული მეტოქე გვყავდა".
არჩილ ჩხაბერიძე, "მერანის" მთავარი მწვრთნელი:
"ვფიქრობ, მაყურებელს ლამაზი და სანახაობრივი შეხვედრა ვაჩვენეთ. ბიჭებმა დავალებები კარგად შეასრულეს და ჩვენთვის მნიშვნელოვანი ქულა მოვიპოვეთ".
საქართველოს ჩემპიონატი. II ტური
პლეი ოფი (1-8 ადგილები)
ზესტაფონი-ტორპედო (გადაიდო)
კოლხეთი-ბაია (გადაიდო)
დილა-მეტალურგი 0-1 (იხილეთ ვრცლად)
სატურნირო ცხრილი
ა გ თ მ ფ წ ბ ქ
1.ზესტაფონი 15 10 3 2 28-12 33
2.მეტალურგი 16 9 2 5 23-19 29
3.დინამო 15 7 3 5 29-22 24
4.ტორპედო 14 7 3 4 17-12 24
5.ბაია 15 4 4 7 11-19 16
6.დილა 15 4 3 8 16-18 15
7.მერანი 15 4 2 9 14-24 14
8.კოლხეთი 15 2 6 7 8-20 12
ბომბარდირები
დვალი (ზესტაფონი) 13
ჩისკო (დინამო) 11
ტატანაშვილი (მეტალურგი) 9
III ტური
21 მარტი
ტორპედო-კოლხეთი
დინამო-ზესტაფონი
მეტალურგი-მერანი
ბაია-დილა
პლეი აუტი (9-16 ადგილები)
გურია-გაგრა 2:2 (იხილეთ ვრცლად)
ვიტ ჯორჯია 1:0 (იხილეთ ვრცლად)
ბათუმი-სიონი (გადაიდო)
მერცხალი-ჩიხურა (გადაიდო)
სატურნირო ცხრილი
ა გ თ მ ფ წ ბ ქ
1.ვიტ ჯორჯია 2 2 0 0 3-0 6
2.გაგრა 2 1 1 0 4-2 4
3.სიონი 1 1 0 0 3-1 3
4.გურია 2 0 2 0 4-4 2
5.სპარტაკი 2 0 1 1 2-3 1
6.ჩიხურა 1 0 0 1 1-3 0
7.დინამო (ბთ) 1 0 0 1 0-2 0
8.მერცხალი 1 0 0 1 0-2 0
III ტური
20 მარტი
სპარტაკი-მერცხალი
გაგრა-ვიტ ჯორჯია
სიონი-გურია
ჩიხურა-ბათუმი
ყოველდღიური სპორტული გაზეთი "ლელო"
