საკუთარი სპორტული არენის უწესრიგობის გამო ხანგრძლივი "მოგზაურობიდან" (4-დან ოთხივე გასვლა) საკმაოდ უხვი ნადავლით (12-დან 9 ქულა) შინდაბრუნებულ "ჩიხურას" მოედანზე გამოჩენას ენით აუწერელი ოვაციებით, საქებარი შეძახილებით შეხვდა გუნდსა და ფეხბურთს მონატრებული მაყურებელი.თამაში კი ბოლნისელთა მწვავე შეტევებით დაიწყო, რომელთა განეიტრალებისათვის საჩხერლებს 5-6 წუთზე მეტი არ დასჭირვებიათ.
საინტერესო, სანახაობრივ, ვაჟკაცურ ორთაბრძოლაში ჩაილია ტაიმი პირველიდან ბოლო წუთამდე. მასპინძელთაგან განსაკუთრებით დავით კირკიტაძე გამოირჩეოდა, სტუმართაგან კი - გიორგი ჭედია.
არაერთი გამოუყენებელი მომენტის გამო დაძაბული ქომაგი მოუთმენლად ელოდა მეორე ტაიმს, რომელიც კიდევ უფრო დაძაბული და საინტერესო
შემართებით და ორგანიზებულად იბრძოდნენ ბოლნისელები, მაგრამ ვერაფერი მოუხერხეს კირკიტაძეს. 52-ე წუთზე სწორედ მას "დაუფასა" მორიგი "სლალომი" ბოლნისელთა მცველმა საჯარიმო მოედანში წაქცევით, ხოლო თანაგუნდელმა დავით ოდიკაძემ - აუღებლად დარტყმული პენალტით.
81-ე წუთზე ისევ კირკიტაძემ დააწიოკა მცველები, ხისტად ჩააწოდა მეკარის მოედნის გასწვრივ. მომენტი სამჯერ განმუხტა ხელმა, ოღონდ ორ შემთხვევაში მეკარე ბობღიაშვილისამ, ერთხელ კი მცველისამ.
ოდიკაძის მეორე თერთმეტმეტრიანი პირველის ტყუპისცალი იყო - 2:0.
მარცხის მოახლოებამ ვერ გატეხა სტუმრები, მძაფრად ეკვეთნენ მოწინააღმდეგეს და, რომ არა სომხიშვილის გამოცდილება და ოსტატობა, ანგარიში, შესაძლოა, უფრო ადრეც შეცვლილიყო.
თუმცა, სტუმრებმა მატჩის მიწურულს ერთი ბურთის გაქვითვა მაინც მოახერხევს: პენალტი ზუსტად გამოიყენა რევაზ ჯიქიამ.
საქართველოს ჩემპიონატი. პრემიერლიგა. V ტური
13. 09. სოფელი ივანწმინდა.
ჩიხურა-სიონი 2:1
გოლები: 1:0 ოდიკაძე (52, პენალტით), 2:0 ოდიკაძე (81, პენალტით), 2:1 ჯიქია (89, პენალტით)
ჩიხურა (4-2-3-1) სიონი (4-2-3-1)
სომხიშვილი ბობღიაშვილი
ოდიკაძე ქემოკლიძე
ლ. ჭელიძე სვანიძე
გუშარაშვილი ორბელაძე
ქიმაძე ჩიკვილაძე
დიღმელაშვილი ჯოჯუა
ლომაშვილი გ. ოქროპირიძე
რ. კვასხვაძე ჭედია
დეკანოიძე მანწკავა
კირკიტაძე ქუცურუა
გოცირიძე ჯიქია
მწვრთნელები: ს.ფრუიძე, ა.ჯელაძე
ჩიხურა
დიღმელაშვილი - ზაბახიძე
ოდიკაძე - ბაკურაძე
გუშარაშვილი - ბერიანიძე
სიონი
მანწკავა - თარხნიშვილი
ქუცურუა - ჭანკოტაძე
ოქროპირიძე - უგულავა
გაფრთხილება: ლომაშვილი, ქიმაძე, სომხიშვილი, მანწკავა, სვანიძე, ბობღიაშვილი, ქემოკლიძე;
არბიტრი: ო. ხეცაძე
ყოველდღიური სპორტული გაზეთი "ლელო"
