29 ნოემბერს, ფეხბურთის ფედერაციაში გამართულ სადისციპლინო კომიტეტის სხდომაზე, თბილისის "დინამოსა" და გორის "დილას" 24 ნოემბრის მატჩში მომხდარ ინციდენტზეც იმსჯელეს. მოგეხსენებათ, არბიტრ ლაშა სილაგავას მიერ მატჩისთვის დამატებულ ბოლო, მე-3 წუთზე, ჩვენი გუნდის ბრაზილიელმა ლეგიონერმა ლეონარდო რამოსმა ოთარ ხიზანეიშვილისაგან მუჯლუგუნები ვეღარ აიტანა და მისი მიმართულებით გადააფურთხა. მსაჯმა ორივე ფეხბურთელი მინდვრიდან გააძევა.
დისციპლინარებმა "დილას" 20 წლის ნახევარმცველს სფფ-ის სადისციპლინო კოდექსის 97-ე მუხლის მე-10 პუნქტით (შეფურთხება, ჩადენილი მოთამაშის ან კლუბის ოფიციალური პირის მიერ მატჩამდე, მატჩისას და მატჩის შემდეგ, მეტოქის და სხვა პირის მიმ
კოდექსის დანართი #1-ის პუნქტი 22-ის შესაბამისად კი, ფეხბურთელმა სფფ-ს სასარგებლოდ 1500 ლარი უნდა გადაიხადოს.
აღნიშნული მატჩის მომსახურე 6-მსაჯიანი ბრიგადის მიერ შევსებულ ოქმზე დაყრდნობით, სადისციპლინო კომიტეტმა ოთარ ხიზანეიშვილს 1 მატჩით დისკვალიფიკაცია და 200-ლარიანი ჯარიმა აკმარა.
რაც შეეხება "დინამოსთან" მატჩში 2 ყვითელი ბარათის გამო გაძევებულ გიორგი კახელიშვილს, მას ერთმატჩიანი სასჯელი (ფეხბურთელმა უკვე გამოტოვა "ზესტაფონთან" მატჩი და მომავალ ტურში თამაშის უფლება აქვს) და 100-ლარიანი ჯარიმის გადახდა დააკისრეს.
fcdila.ge
ასევე იხილეთ:
დინამო-დილა 3:0 - საჩემპიონო განაცხადი [VIDEO]
