მარინ სკენდერი გორის "დილას" ნოემბრის საუკეთესო ფეხბურთელია. გუნდის ოფიციალურ ვებ-გვერდზე ყოველთვიურად ტარდება გულშემატკივართა გამოკითხვა, რომლის მიზანიც წინა თვის საუკეთესო ფეხბურთელის არჩევაა.ამჯერადაც კლუბის პრესსამსახურმა 12 კანდიდატი შეარჩია - "დილას" ფანებს არჩევანი ერთ-ერთ მათგანზე უნდა შეეჩერებინა.
გამოკითხვა 3-დან 16 დეკემბრამდე ჩატარდა და საკუთარი სიმპათია 657-მა ადამიანმა გამოავლინა. ნოემბერში გულშემატკივართა რჩეული მარინ სკენდერი გახდა: 33 წლის ხორვატმა გოლკიპერმა 139 ხმა, ანუ 21% მიიღო.
მან გასულ თვეში "დილას" მიერ გამართული 5 მატჩი შეუცვლელად ჩაატარა და 4-ჯერ კარი "მშრალად" შეინახა.
ეროვნულ ჩემპიონატში სკენდერი შეუცვლელად
ნოემბრის გამოკითხვის შედეგები:
1. მარინ სკენდერი 139
2. დავით კვირკველია 125
3. გოგიტა გოგუა 80
4. გიორგი ონიანი 69
5. გიგა ბეჭვაია 50
გამოკითხვის გამარჯვებულს "დილას" ფანკლუბ "ლომკაცების" ხელმძღვანელი არჩილ ოლგესაშვილი ოთხშაბათს, 19 დეკემბერს, გორში XXI ტურის მატჩის წინ, სამახსოვრო პრიზს გადასცემს.
შევიტყვეთ, რომ სეზონის ბოლოს დაგეგმილია გუნდის "წლის რჩეულის" გამოვლენაც, რომელსაც გორის "დილას" სიმბოლიკა გადაეცემა.
ყოველდღიური სპორტული გაზეთი "ლელო"
ასევე იხილეთ:
რწმენა, ოჯახი, ფეხბურთი - "დილას" მეკარე მარინ სკენდერის სამი დასაყრდენი
გიორგი დარასელია: ევროტურნირებისათვის ზამთარშივე ვიზრუნებთ
ვანო თაყაძე: გორის "დილა" სწორ გზაზე დგას
