გორის "დილა" ხორვატმა მეკარემ მარინ სკენდერმა კი დატოვა, მაგრამ საქმეს ისეთი პირი უჩანს, რომ "დილას" კარს ისევ უცხოელი დაიცავს - ლატვიელი კასპარს იკსტენსი უკვე "დილასთან" ერთადაა თურქულ შეკრებაზე.24 წლის კასპარსი ლატვიის ახალგაზრდული ნაკრების მეკარე გახლდათ, იყო რიგის "სკონტოს" წევრიც, ბოლოს "დაუგავპილსში" გამოდიოდა.
თუ რამე გაუთვალისწინებელი არ მოხდა, კასპარსი "დილასთან" მალევე გააფორმებს კონტრაქტს და სეზონის ბოლომდე დარჩება გორულ კლუბში. სეზონის დასრულების შემდეგ კი რა იქნება, ჯერ უცნობია - გორის "დილას" დაფინანსების წყარო იქნება გასარკვევი.
![Sportall.Ge](/pictures/artimages/image16/a7c064cc399197b8aa1a8ef7e37cd858.jpg "გორის "დილას" კარში მარინ სკენდერს კასპარს იკსტენსი შეცვლის")
იკსტენსის სიმაღლე 185 სანტიმენტრია, როგორც ამბობენ, ამასობაში თურქულ შეკრებაზე მყოფმა გორის "დილამ" პირველი საკონტროლო შეხვედრა გამართა, ავსტრიულ "ვინერ ნოიშტადტთან" 1:1 ითამაშა.
"დილა" 70-ე წუთზე დაწინაურდა გიორგი ილურიძის გოლით, ავსტრიელებმა კი ანგარიში 88-ე წუთზე გაათანაბრეს.
"დილას" სასტარტო შემადგენლობა: იკსტენსი, ალადაშვილი, კვახაძე, თომაშვილი, კვირკველია, გვალია, მაისურაძე, არზიანი, კახელიშვილი, ლეონარდო, ჟუნიორი.
შეცვლაზე შევიდნენ: შეყრილაძე, ჯიშკარიანი, თოთაძე, მოდებაძე, აბურჯანია, ილურიძე, გორელიშვილი და გოგინაშვილი.
ყოველდღიური სპორტული გაზეთი "ლელო"
ასევე იხილეთ:
ვალდას ივანაუსკასი: საქართველო მეორე სამშობლოდ მიმაჩნია
