5 თებერვალს თურქულ შეკრებაზე მყოფმა გორის "დილამ" მორიგი საკონტროლო მატჩი ითამაშა. ვალდას ივანაუსკასის გაწვრთნილი გუნდის მეტოქე რუსეთის პირველი ლიგის ბინადარი, ბელგოროდის "სალუტი" იყო. შეხვედრა 1:1 დასრულდა."დილას" სასტარტო შემადგენლობა: იკსტენსი, ალადაშვილი, თოთაძე, კვახაძე, ჯიშკარიანი, გვალია, მაისურაძე, არზიანი, კახელიშვილი, ლეონარდო, ჟუნიორი.
მეორე ტაიმში შეცვლაზე შევიდნენ: აბურჯანია, მოდებაძე, ილურიძე, ლობე და არაბული.
როგორც "დილას" ვებგვერდი იუწყება, პირველ ტაიმში გიორგი კახელიშვილის შორეული დარტყმა ძელმა აისხლიტა, დამატებაზე კი ლეონარდომ ვერ გაისწორა მიზანი.
რუსები 54-ე წუთზე დაწინაურდნენ, კახელიშვილმა კი ანგარიში 70-ე წუთზე გაათანაბრა.
"სალუტი" ჩვიდმეტგუნდა
ორი ფრე, ერთი მოგება - ამ დროისთვის ასეთია "დილას" მონაგარი თურქულ შეკრებაზე.
ყოველდღიური სპორტული გაზეთი "ლელო"
