"ზესტაფონის" თურქული შეკრება დასასრულს უახლოვდება - 12 თებერვალს ანტალიის სიახლოვეს მდებარე ბელექში საქართველოს მოქმედი ჩემპიონი ბოლო საკონტროლო შეხვედრას გამართავს და მისი მეტოქე ბელორუსული ჟოდინოს "ტორპედო-ბელაზი" იქნება. მატჩი თბილისის დროით 17 საათზე დაიწყება.
ამასობაში ცნობილი გახდა, რომ "ზესტაფონის" ბანაკი დატოვეს სენეგალელმა ნახევარმცველმა პაპე დიაკიტემ და სერბმა მცველმა ივიცა მილუტინოვიჩმა.
მათ ფეროელთა სამწვრთნელო შტაბი პოლონურ "ლეხიასთან" სპარინგში დააკვირდა და როგორც ჩანს, ორივემ არასახარბიელო შთაბეჭდილება დატოვა.
ესპანელ მცველ ორიოლ ლოსანო ფარანთან კონტრაქტის გაფორმება კი, როგორც უკვე იცით, ფაქტობრივად, გადაწყვეტილია.
ყოველდღიური სპორტული გაზეთი "ლელო"
"ზესტაფონი" თურქულ შეკრებაზე "ლეხიას" დაუზავდა [VIDEO]
"ზესტაფონში" ესპანელი ლოსანო მოსწონთ და სენეგალელი დიაკიტე
