გორის "დილას" ორი ყოფილი ფეხბურთელი დაუბრუნდა - გიგა ბეჭვაია და გოგიტა გოგუა.29 წლის გოგუა "დინამო თბილისიდან" იყო განათხოვრებული "დილაში". იჯარას ვადა შარშან დეკემბერში გაუვიდა.
გოგუა "დილაში" ხელახლა მაშინ გამოჩნდა, როცა გუნდი ვალდას ივანაუსკასმა ჩაიბარა. საქმეს ისეთი პირი უჩანდა, რომ გოგუა "დილას" თურქულ შეკრებაზე უნდა გაჰყოლოდა, თუმცა ასე არ მოხდა და ისიც მოგვიანებით დაუბრუნდა შიდაქართლულ გუნდს.
![Sportall.Ge](/pictures/artimages/image16/e13b636353f076d743950eecc8a217c9.jpg "გოგიტა გოგუა და გიგა ბეჭვაია გორის "დილაში" დაბრუნდნენ")
26 წლის შუახაზელი ბეჭვაია "დილას" მიმდინარე სეზონის პირველი ეტაპის შემდეგ დაშორდა. შემდეგ რუსულ "ნეფტეხიმიკში" აპირებდა გადასვლას, თუმცა სამშობლოში დაბრუნდა და ისევ გორულ გუნდში ითამაშებს.
ყოველდღიური სპორტული გაზეთი "ლელო"
