მთელი მატჩის განმავლობაში მოედანზე უშეღავათო ბრძოლა მიმდინარეობდა. ჩვენი ჩემპიონატის პირობაზე, თამაში საკმაოდ სწრაფი და სანახაობრივი იყო. მეორე ტაიმი უფრო სანახავი გამოდგა, მაგრამ მატჩის ერთადერთი გოლი შესვენებამდე გავიდა.
"სიონის" სასარგებლოდ ჯარიმა დაინიშნა. ჩივაძემ ბურთი სტუმართა
მეორე ტაიმიც "სიონის" მცირე უპირატესობით წარიმართა. ყიფიანის ფეხბურთელების მთავარი საზრუნავი საკუთარი კარის უსაფრთხოება სულაც არ ყოფილა, პირიქით, ისინი მთელი მონდომებით ზრუნავდნენ უპირატესობის განმტკიცებაზე. ბობოხიძემ ძლიერად, მაგრამ ოდნავ არაზუსტად დაარტყა, შეცვლაზე შესულ ვაშაკიძეს კი "სამტრედიას" მეკარემ არ გაატანინა.
შეცვლაზე შესულ კირკიტაძეს უმალვე შეეძლო გოლის გატანა, მაგრამ საჯარიმოში შეჭრილმა მიზანს ააცილა. ურიგოდ არც "სიონის" შემცვლელები გამოიყურებოდნენ. ისიანისა და თოდუას დარტყმას ძაგანია გაუმკლავდა. გუშინ მეკარე ალბათ, საუკეთესო იყო სამტრედიელთა შემადგენლობაში.
ბოლნისელ ქომაგებს ამჯერად მსაჯობით აღშფოთება არ გამოუთქვამთ. სამაგიეროდ, მეტოქე დარჩა უკმაყოფილო. სტუმრებმა თამაშის დასკვნით ნაწილში მომხდარი საკამათო ეპიზოდი გააპროტესტეს, როცა არბიტრმა "სამტრედიას" სასარგებლოდ თერთმეტმეტრიანი არ დანიშნა – ძნელი სათქმელია, სწორად მოიქცა თუ არა - ვიდეოგამეორების ნახვის გარეშე ბეუქლიშვილის გადაწყვეტილებაზე ვერ ვიმსჯელებთ...
სიონი-სამტრედია 1:0
31.10. ბოლნისი. თ. სტეფანია. 300 მაყურებელი
1:0 ორბელაძე (20. ჩივაძის პასით)
სიონი სამტრედია
4-4-2 4-2-3-1
მერლანი ძაგანია
ქურასბედიანი კუპრეიშვილი
ლ. ჭელიძე გოგია
ორბელაძე ხუმარაშვილი
კობაური სოსელია
ჩივაძე ქებაძე
დიდავა ტყემალაძე
ლ. ნოზაძე ბაკარანძე
უგრეხელიძე ჩომახიძე
რ. გოცირიძე პავლიაშვილი
ბობოხიძე კაკალაძე
მთ. მწვრთნელი მთ. მწვრთნელი
გ. ყიფიანი გ. სანაია
სიონი
46. ჩივაძე – ლ. ვაშაკიძე
64. ბობოხიძე – ისიანი
75. გოცირიძე – გ. თოდუა
სათადარიგოები: ბობღიაშვილი, თარგამაძე, სანიკიძე, გ. მელქაძე
სამტრედია
46. ტყემალაძე – ი. შალიკაშვილი
58. პავლიაშვილი – კირკიტაძე
71. ბაკარანძე – კვერენჩხილაძე
სათადარიგოები: ჯინჭარაძე, კირთაძე, ჩხიკვაძე, ფურთუხია
გაფრთხილება: კუპრეიშვილი (80), კობაური (81), ი. შალიკაშვილი (90)
არბიტრი: მ. ბეუქლიშვილი
ყოველდღიური სპორტული გაზეთი
"ლელო"
