16 ივლისს რუსთავის "მეტალურგი" გუნდის უფროსმა ირაკლი (აკა) ქავთარაძემ დატოვა. ინფორმაცია თავად ქავთარაძემ დაგვიდასტურა."დიახ, "მეტალურგიდან" მართლაც წამოვედი, რადგან ბიუჯეტის შემცირება დაიწყეს, ხელფასები ყველას უმცირდებოდა და ასეთ პირობებში მუშაობას აზრი არ ჰქონდა, რადგან დიდი ამბიცია გვქონდა.
ახალ პირობებში კი არც ვიცი, გუნდი რა მიზნებს დაისახავს.
გული სწორედ ამაზე მწყდება, რადგან ეს გუნდი მართლაც წესიერებით მოვიტანეთ, ჩემი მეორე ოჯახივით იყო და ასეთ დროს იოლად ამ ნაბიჯს ვერ გა
მადლობა მითხრეს გაწეული სამსახურისთვის, მაგრამ წამოსვლა ვამჯობინე - ასეთია ცხოვრება. თუმცა მინდა, ბიჭებს და "მეტალურგს" წარმატება გულწრფელად ვუსურვო", - ამბობს ქავთარაძე.
ქავთარაძე საქართველოს ფუტსალის ასოციაციის ვიცე-პრეზიდენტიც გახლდათ და "მეტალურგს" კლუბების არაფორმალურ გაერთიანებაში, "12-თა საბჭოში" წარმოადგენდა.
საერთოდ, რუსთაველთა აწ უკვე ყოფილი გუნდის უფროსი საფეხბურთო სამყაროში ერთ-ერთი გამორჩეული ავტორიტეტით სარგებლობს - მისი წესიერებისა და ადამიანებთან ურთიერთობის ამბავიც არახალია.
გასაოცარი და ძნელი ასახსნელია, "მეტალურგმა" ამით რა მოიგო - ქავთარაძე ხომ ბევრ პრობლემას სწორედ პიროვნული ავტორიტეტის ხარჯზე აგვარებდა. თუმცა ეს უკვე ჩვენი გადასაწყვეტი არ არის.
შეგახსენებთ, რომ ერთი თვის წინ კლუბი სპორტულმა დირექტორმა კახა კოპალეიშვილმა და მთავარმა მწვრთნელმა გიორგი ყიფიანმაც დატოვეს.
(იბეჭდება მცირე ცვლილებით)
ყოველდღიური სპორტული გაზეთი "ლელო"
![U19. საქართველოს ნაკრები ევროშესარჩევის პირველ მატჩში დამარცხდა [VIDEO]](/pictures/image7/c28084e289e6893ce9400ecdd256ef29.jpg "U19. საქართველოს ნაკრები ევროშესარჩევის პირველ მატჩში დამარცხდა [VIDEO]")
