ფოტოზე: ლევან აბაშიძე, გივი დიდავა და მალხაზ ჟვანია"მერანი"-"ტორპედოს" მატჩის დასრულების შემდეგ მთავარი მწვრთნელი მალხაზ ჟვანია მარტვილურ გუნდს დაემშვიდობა.
მატჩამდე ცნობილი იყო, რომ ის "მერანს" თავის შტაბთან ერთად დატოვებდა.
"სამწვრთნელო კარიერა "მერანში" დავიწყე და 6 წელია, რაც მარტვილში ვარ. ამ ხნის განმავლობაში გუნდმა თვალშისაცემი პროგრესი განიცადა. ზედიზედ სამი წელია, უმაღლესში ვთამაშობთ.
მივხვდი, რომ პროფესიული ზრდა მჭირდებოდა და ეს გადაწყვეტილებაც ამიტომ მივიღე. მადლობა ყველას, ვისთანაც
37 წლის სპეციალისტთან ერთად გუნდი დატოვეს მისმა ასისტენტმა გივი დიდავამ და მეკარეების მწვრთნელმა ლევან აბაშიძემ. ისინიც, სავარაუდოდ, მუშაობას გააგრძელებენ "დინამო 2-ში", სადაც მთავარ მწვრთნელად ჟვანია დაინიშნა.
სამწვრთნელო ცვლილებებთან დაკავშირებით, კომენტარი "მერანის" მფლობელმა ფრიდონ ინჯიამაც გააკეთა:
"მერანის" წარმატებებში მალხაზ ჟვანიას უდიდესი წვლილი მიუძღვის. ჩვენ თითქმის ერთდროულად მოვკიდეთ ხელი ამ საქმეს, ერთადვე შევძელით გუნდის აღორძინება და უმაღლეს ლიგაში ღირსეული ადგილის დამკვიდრება.
ამისთვის მინდა მას და მთლიანად სამწვრთნელო შტაბს მადლობა გადავუხადო. ალბათ, ყველაფერს აქვს დასასრული".
"მერანის" ახალ მწვრთნელთან დაკავშირებით ინფორმაციას, სავარაუდოდ, 9 ოქტომბერს გავიგებთ.
ყოველდღიური სპორტული გაზეთი "ლელო"
![ეროვნული ლიგა. XXXI ტური. "დინამო" (თბ) - "იბერია 1999" [LIVE]](/pictures/image7/aef15f7bac811eb195df8fa9d10b2093.jpg "ეროვნული ლიგა. XXXI ტური. \"დინამო\" (თბ) - \"იბერია 1999\" [LIVE]")
![ეროვნული ლიგა. XXX ტური. "ტორპედო" - "დინამო" (თბ) [LIVE]](/pictures/image7/97a6fdd8fa390a9dda791a78e5b655eb.jpg "ეროვნული ლიგა. XXX ტური. \"ტორპედო\" - \"დინამო\" (თბ) [LIVE]")
