ვიდრე მატჩის პერიპეტიებზე მოგითხროთ, ზესტაფონის მთავარ არენაზე ვთქვათ. კლუბის ხელმძღვანელობის მეცადინეობით სტადიონი კიდევ უფრო გაკოხტავდა და მინდვრის საფარიც მოწესრიგდა. ვიდეოოპერატორებისთვის კი პრესლოჟასთან ახლოს რკინის კონსტრუქციებით სპეციალური სადგომი დამონტაჟდა. ფინანსური პრობლემების მიუხედავად სამტრედიელები ჩემპიონატში საკმაოდ კარგად ასპარეზობდნენ და მათგან სიურპრიზი
შეხვედრა მასპინძლების უპირატესობით დაიწყო. ყველაზე მეტად მარცხენაფლანგელი ზაალ ელიავა აქტიურობდა, რომლის ყოველი ჩართვა შეტევაში სტუმრებისთვის სახიფათო იყო. მართალია, ჯაბა დვალმა მის ჩაწოდებას ზუსტი თავური ვერ შეაგება, მაგრამ 21-ე წუთზე სწორედ ელიავას აქტიურობისა და ფლანგური პასის შემდეგ გახსნა ნიკოლოზ გელაშვილმა ანგარიში. 34-ე წუთზე სტუმართა მდგომარეობა კიდევ უფრო დამძიმდა. დვალმა საჯარიმოს მისადგომებთან სპარტაკ გოგიას მოჰპარა ბურთი და მასვე წესების დარღვევით რომ არ შეეჩერებინა, მეკარესთან პირისპირ აღმოჩნდებოდა. გიორგი ვადაჭკორიამ ბოლო იმედის ჯარიმა დააფიქსირა და გოგია წითელი ბარათით დასაჯა. 10 ფეხბურთელის ამარა დარჩენილი ”სამტრედია" ფეროელთა მასირებულ შეტევებს ვეღარ გაუმკლავდა და ტაიმის მიწურულს კიდევ ორი ბურთი გაუშვა. ჰეთ თრიკი გელაშვილმა შეასრულა: 42-ე წუთზე გიორგი ონიანის დარტყმის შემდეგ მეკარის მიერ უხერხულად მოგერიებულ ბურთს დაამატა - 2:0, 45-ეზე კი შოთა ბაბუნაშვილის გამჭოლ გადაცემას ფეხი შეაგება და ეფექტური გოლით სხვაობა კიდევ უფრო გაზარდა - 3:0
მდგომარეობის გამოსწორების მიზნით მეორე ტაიმში გელა სანაიამ მოედანზე დავით კირკიტაძე და ვალტერ გუჩუა შეიყვანა, თუმცა, მათაც ვერაფერი შესძინეს საკუთარ გუნდს. 56-ე წუთზე დვალის დარტმის შემდეგ მეკარის მიერ მოგერიებულ ბურთს შოთა გრიგალაშვილი კარში თავით გზავნიდა და გიორგი ხუმარაშვილმა საჯარიმოში ხელით მოიგერია. რის გამოც პენალტთან ერთად წითელი ბარათიც ”აიკიდა" და სამტრედიელები მოედანზე 9 ფეხბურთელის ამარა დარჩნენ. 11-მეტრიანი კი შეცვლაზე შესულმა რატი წინამძღვრიშვილმა აუღელვებლად გაიტანა - 4:0.
”ზესტაფონმა" მეტოქე არ დაინდო და მატჩის ბოლომდე კიდევ სამჯერ დალაშქრა ლაშა ძაგანიას კარი. 62-ე წუთზე წინამძღვრიშვილმა დვალი დატოვა მეკარესთან პირისპირ -5:0. ცოტა ხანში ცხრაკაციან ”სამტრედიასაც" ჰქონდა გატანის შანსი, მაგრამ პაატა ბაკარანძემ ხელსაყრელი სიტუაციით ვერ ისარგებლა. მე-80 წუთზე დვალმა შეცვლაზე შესული გოგა ფიფიას გადაცემის შემდეგ დუბლი მიითვალა - 6:0. გოლის გატანა თავად ფიფიასაც შეეძლო, სოლორეიდით ხუთი მეტოქე ჩამოიცილა, მეკარესთან პირისპირაც გავიდა, მაგრამ კარს მცირედით ააცილა. დვალის დარად დუბლი შეასრულა წინამძღვრიშვილმაც, რომელმაც გრიგალაშვილის გადაცემა ზუსტი დარტყმით დააგვირგვინა - 7:0 და თამაშიც იქვე დასრულდა.
სამტრედიელები დიდი ანგარიშით დამარცხებასთან ერთად გოგიასა და ხუმარაშვილის დისკვალიფიკაციაზეც არანაკლებ წუხდნენ. მორიგ ტურში ისინი რუსთავის ”ოლიმპს" მასპინძლობენ და ჩემპიონთან ორი წამყვანი მცველის გარეშე მოუწევთ ასპარეზობა. ”ზესტაფონი" კი თანდათან იბრუნებს დაკარგულ პოზიციებს.
ზესტაფონი-სამტრედია 7:0
ზესტაფონი. დ.აბაშიძე. 1500 მაყურებელი
1:0 გელაშვილი (21. ელიავას პასით), 2:0 გელაშვილი (42), 3:0 გელაშვილი (45. ბაბუნაშვილის პასით), 4:0 წინამძღვრიშვილი (57. პენ.), 5:0 დვალი (62. წინამძღვრიშვილის პასით), 6:0 დვალი (80. ფიფიას პასით), 7:0 წინამძღვრიშვილი (90. გრიგალაშვილის პასით)
4-1-3-2
ზესტაფონი სამტრედია
4-4-1-1
რ. კვასხვაძე ძაგანია
ბენაშვილი სოსელია
გ. ონიანი გოგია
ხიდეშელი ხუმარაშვილი
ელიავა კირთაძე
დაუშვილი ქებაძე
აფციაური ბაკურაძე
ბაბუნაშვილი ფურთუხია
გრიგალაშვილი ბაკარანძე
დვალი ჩომახიძე
გელაშვილი კვერენჩხილაძე
მწვრთნელი: გ.გეგუჩაძე მწვრთნელი: გ. სანაია
ზესტაფონი
50. გელაშვილი-წინამძღვრიშვილი
61. ონიანი-კობახიძე
61. აფციაური-ფიფია
სათადარიგოები: მამალაძე, მაკარიანი, გორგიაშვილი, გ. მიქაბერიძე
სამტრედია
46. ფურთუხია - დ.კირკიტაძე
46. კვერენჩხილაძე - გუჩუა
61. ჩომახიძე - თ.შალიკაშვილი
სათადარიგოები: ჯინჭარაძე, ჩხიკვაძე, კაპანაძე, პავლიაშვილი
გაძევება: გოგია (33), ხუმარაშვილი (56)
არბიტრი: გ. ვადაჭკორია
ყოველდღიური სპორტული გაზეთი
"ლელო"
