გიორგი დარასელიამ "ზუგდიდის" განახლება რომ დაიწყო, ამაზე უკვე ვწერდით. საშემოდგომო ეტაპის დასრულების შემდეგ ბევრ მოთამაშეს კონტრაქტი დაუმთავრდა და სხვაგან წასვლა ამჯობინა. დღეისთვის გუნდში აღარ არიან მეკარეები - ზურაბ მამალაძე და დავით კეკელიძე, აგრეთვე, როინ ონიანი, დათა რიგვავა, მაკარ აქუბარდია, ლევან წურწუმია, ვაკო ტყემალაძე, გიორგი ხუბუა და ირაკლი ეხვაია.
ცნობილი იყო, რომ "ზუგდიდში" რუმინელ ლეგიონერს ელოდნენ. 8 იანვარს მას კლუბის წარმომადგენლები თბილისის აეროპორტში დახვდნენ.
სიახლეები ჩვენმა კოლეგამ, ფრიდონ კერვალიშვილმა გაგვანდო, რომელიც "ზუგდიდის" სპორტულ დირექტორად დაინიშნა:
"ჩვენი ახალწვეული რობერტ ვულპე გახლავთ, რომელიც
"ვიკიპედიაში" კი ამოვიკითხეთ, რომ რობერტ ლილიან ვულპე 1992 წლის 2 ივლისს, კრაიოვაში დაიბადა. 21 წლის ვულპე ცენტრალური ნახევარმცველია.
სამშობლოში კარიერა ცენტრალურ მცველად დაიწყო. ბავშვობაში ჯიკა პოპესკუს სახელობის კრაიოვას "უნივერსიტატიას" საფეხბურთო აკადემიაში ვარჯიშობდა. პროფესიული კარიერა 2012 წელს რუმინეთის მეოთხე ლიგის კლუბ ოსტროვენის "რეკოლტაში" დაიწყო. იმავე წლის ზაფხულში ვულპე კფარ-საბას (ისრაელი) "ჰაპოელს" შეუერთდა. 2013 წლის ზაფხულში კი ლიტვის A ლიგის (უმაღლესი ლიგა) "ტაურასში" ჩაირიცხა, რომელიც პირველ დივიზიონში დაქვეითდა.
კერვალიშვილის თქმით, "ზუგდიდში" გააგრძელებს კარიერას ქუთაისის "ტორპედოს" ყოფილი მეკარე მაქსიმე ქვილითაიაც. კიდევ რამდენიმე ქართველი მოთამაშის "ზუგდიდში" ჩარიცხვის ამბავი უახლოეს დღეებში გადაწყდება.
ყოველდღიური სპორტული გაზეთი "ლელო"
![[წარდგენა] "გასწი, მერანო" - შეძლებენ თბილისელები უმაღლესში თავის წარმოჩენას?](/pictures/image7/824f60773d09dd2e8a3d480417d2dcd4.jpg "[წარდგენა] \"გასწი, მერანო\" - შეძლებენ თბილისელები უმაღლესში თავის წარმოჩენას?")
