ქუთაისის საკრებულოს სხდომაზე საფეხბურთო კლუბ "ტორპედოს" დაფინანსების თემამ დეპუტატებს შორის დაპირისპირება გამოიწვია. ვიქტორ დოლიძის გაღიზიანება ამირან ძოწენიძის გამოსვლას მოჰყვა, რომელმაც დეპუტატებს განუცხადა, რომ "ვისოლმა" კლუბის სპონსორობაზე უარი თქვა, ხოლო ქალაქის ბიუჯეტი კლუბის დაფინანსებას ვერ შეძლებდა.
"ყველამ უნდა მოჰკითხოს ქალაქის მერს, რომელიც ამბობდა, რომ "ტორპედოს" სპონსორი უნდა მოუძებნონ. ის ამბობდა, რომ "ვისოლი" უნდა წავიდეს და "ტორპედოს" მოუძებნიან უკეთეს სპონსორს", - განაცხადა ამირან ძოწენიძემ.
ჩხუბის დასრულების შემდეგ ფრაქცია "ნაციონალური მოძრაობის" დეპუტატებმა - ამირან ძოწენიძემ და გია უკლებამ საკრებულოს სხდომა პროტესტის ნიშნად დატოვეს.
"ვისოლი ჯგუფმა" საფეხბურთო კლუბის სპონსორობაზე უარი 2 კვირის წინ განაცხადა, რის გამოც მას ჯარიმის სახით 500 ათასი ლარის გადახდა დაეკისრა. "ვისოლმა" ამ ეტაპზე უკვე 100 ათასი ლარი გადარიცხა კლუბის ანგარიშზე.
წყარო: newpress.ge
!["სანამ კინი "ტორპედოს" მწვრთნელია, "ჯუნგლები" ტრიბუნას ვტოვებთ" - "ტორპედოს" ფანების განცხადება [PHOTO]](/pictures/image7/bb30fbdcce74fb9d4782eb2bd171d15d.png "\"სანამ კინი \"ტორპედოს\" მწვრთნელია, \"ჯუნგლები\" ტრიბუნას ვტოვებთ\" - \"ტორპედოს\" ფანების განცხადება [PHOTO]")
