ქუთაისის "ტორპედო" ახალი სეზონისთვის საღორიას ბაზაზე ემზადება. გუნდის მთავარმა მწვრთნელმა გიორგი დარასელიამ რამდენიმე მნიშვნელოვანი საკადრო გადაწყვეტილება მიიღო. როგორც შევიტყვეთ, "ტორპედოსთან" ერთად ვარჯიშობს გიორგი კახელიშვილი, რომელიც ბოლოს რუსეთის პირველი ლიგის ბინადარ "სახალინში" თამაშობდა. 26 წლის თავდამსხმელი კლუბს კონტრაქტზე უკვე შეუთანხმდა.
ასევე გადაწყვეტილია გუნდში მცველ გულვერდ თომაშვილისა და ფორვარდ თორნიკე კაპანაძის ჩარიცხვა. წინა სეზონში ორივე "სამტრედიაში" თამაშობდა. ამას გარდა, მოლაპარაკება დასრულდა ირაკლი კლიმიაშვილთანაც და ის კვლავ "ტორპედოსთვის" შეუტევს.
უახლოეს დღეებში "ტორპედო" ხელშეკრულებებს გაუფორმებს სხვა ძველსა თუ ახალ მოთამაშეებსაც - გიორგი სომხიშვილთან, ბაქარ
როგორც შევიტყვეთ, ამ ზაფხულს გუნდი უცხოურ შეკრებას ვერ გაივლის და ქუთაისში მოემზადება. ცხადია, ეს "ქამრების შემოჭერის" შედეგია. დარასელიამ კი საკონტროლო შეხვედრები დაგეგმა. პირველი მატჩი დღესაა - "ტორპედო" საკუთარ სტადიონზე თერჯოლის "საპოვნელას" უმასპინძლებს, 9 ივლისს კი "საბურთალოს" შეხვდება.
(იბეჭდება მცირე ცვლილებით)
ყოველდღიური სპორტული გაზეთი "ლელო"
!["სანამ კინი "ტორპედოს" მწვრთნელია, "ჯუნგლები" ტრიბუნას ვტოვებთ" - "ტორპედოს" ფანების განცხადება [PHOTO]](/pictures/image7/bb30fbdcce74fb9d4782eb2bd171d15d.png "\"სანამ კინი \"ტორპედოს\" მწვრთნელია, \"ჯუნგლები\" ტრიბუნას ვტოვებთ\" - \"ტორპედოს\" ფანების განცხადება [PHOTO]")
