აი, გუშინ კი "სიონის" მეტოქე სომხური "ულისი" იყო - თავის ქვეყნის ჩემპიონატში მესამე ადგილი რომ დაიკავა. სხვათა შორის, "ულისის" ღირსებას ოთხი ქართველი ფეხბურთელი იცავს: ლევან აკობია, თენგიზ უგრეხელიძე, გიორგი კრასოვსკი და შოთა ჯიქია. ოთხივე ჩვენებური გუშინ "ულისის"
სხვათა შორის, 2010 წლის ზაფხულსა და შემოდგომაზე გოგობერიშვილი და აკობია თანაგუნდელები იყვნენ, "ბაიაში" სეზონი ერთად დაიწყეს, მაგრამ გუშინ უკვე ერთმანეთის პირისპირ მოუწიათ ასპარეზობამ. თუმცა, სჯობს, ისევ გუშინდელ მატჩს დავუბრუნდეთ: გაშვებული გოლის შემდეგ "ულისიმ" 3 წუთში შეძლო ანგარიშის გათანაბრება; 71-ე წუთზე კი სომხური გუნდის ფეხბურთელებმა საკუთარ საჯარიმოში ლევან სანიკიძის წინააღმდეგ თამაშის წესები დაარღვიეს და "სიონმა" პენალტის დარტყმის უფლებაც მიიღო. თერთმეტრიანი ზუსტად თავად დაზარალებულმა შეასრულა და თავისი გუნდიც წინ გაიყვანა, მაგრამ მატჩის დასრულებამდე 5 წუთით ადრე "ულისიმ" მაინც შეძლო ანგარიშის გათანაბრება.
საბოლოოდ, ეს საინტერესო სპარინგ-მატჩი ფრედ (2:2) დასრულდა. ამ შეხვედრაში "სიონმა" ასეთი შემადგენლობით (ფაქტობრივად, ოპტიმალურად მიახლოებულად რომ უნდა მივიჩნიოთ) იასპარეზა: მერლანი-კობაური, ორბელაძე (46. კ. ჩხეტიანი), თარგამაძე, ქორიძე - გ. ოქროპირიძე, ლ. ნოზაძე - ნ. კვასხვაძე, გოგობერიშვილი, სანიკიძე - მ. ოქროპირიძე. ბოლნისელთა გუნდში ტრავმების გამო არ უასპარეზიათ ლაშა ვაშაკიძეს, ირაკლი ჩირიკაშვილსა და გივი დიდავას, ხოლო გიორგი ჩივაძეს ასევე ტრავმის გამო ურეკული შეკრების გამოტოვება მოუხდა. "სიონი" დატოვა ალექსანდრე ინწკირველმაც, ვინც სავარაუდოდ, კარიერას ისევ ფოთის "კოლხეთში" გააგრძელებს.
ბოლნისური გუნდის ფეხბურთელები ერთი-ორი დღე დაისვენებენ და როგორც "სიონის" პრესატაშემ ჯემალ ჭიპაშვილმა გვაცნობა, კლუბის კრებაც გაიმართება, სადაც რამდენიმე საკადრო საკითხიც გაირკვევა. ყოველ შემთხვევაში, არ არის გამორიცხული, გუნდის დატოვება რომელიმე ფეხბურთელს მოუწიოს, ან პირიქით - ახალწვეული გამოჩნდეს.
ისე, ჩვენი ინფორმაციით, "სიონი" დიდ ინტერესს იჩენს უკრაინიდან სამშობლოში დაბრუნებული გიორგი გაბედავას მიმართ; არადა, "გაგრას" ყოფილი ფორვარდი ბოლნისურ კლუბს უთუოდ რომ გააძლიერებს, ფაქტია - პირველ ეტაპზე "სიონის" ყველაზე პრობლემატური რგოლი ხომ თავდასხმის ხაზი იყო.
