საფეხბურთო კლუბი გორის "დილა" ფინანსურ კრიზისს თავს დააღწევს. კლუბისთვის ბიუჯეტის დამტკიცება გორის მუნიციპალიტეტეის მხრიდან რამდენჯერმე გადაიდო და ეს პროცესი გაჭიანურდა.
საბოლოოდ კი, გორის მუნიციპალიტეტმა, 6 თებერვალს, ქვეყნის მოქმედ ჩემპიონს ბიუჯეტი დაუმტკიცა და ის 1.5 მილიონი ლარით განისაზღვრა.
აქედან, 500 000 ლარამდე, კლუბს დავალიანებები აქვს გასასტუმრებელი, ნაწილი კი ბავშვთა ფეხბურთს უნდა მოხმარდეს.
სეზონის ბოლომდე, "დილას" დასახარჯად, დაახლოებით, 600 000 ლარი ექნება, მაგრამ, თუკი იმას გავითვალისწინებთ, რომ კლუბის სახელფასო ბიუჯეტი, ყოველთვიურად 189 000 ლარს აღემატება, სავარაუდოდ, გორელები, სეზონს კვლავ პრობლემებით ჩაამთავრებენ.
თუმცა აღსანიშნავია, რომ რამდენიმე ფეხბურთელმა "დილას" რიგები დატოვა და შესაძლოა სახელფასო ბიუჯეტი შემცირდეს.
შეგახსნებთ, რომ ახლა უჩა სოსიაშვილის გუნდი თურქულ შეკრებაზე იმყოფება. ჩვენი ინფორმაციით, "დილამ" შეკრების ფული ჯერ არ გადაუხდია.
!["სანამ კინი "ტორპედოს" მწვრთნელია, "ჯუნგლები" ტრიბუნას ვტოვებთ" - "ტორპედოს" ფანების განცხადება [PHOTO]](/pictures/image7/bb30fbdcce74fb9d4782eb2bd171d15d.png "\"სანამ კინი \"ტორპედოს\" მწვრთნელია, \"ჯუნგლები\" ტრიბუნას ვტოვებთ\" - \"ტორპედოს\" ფანების განცხადება [PHOTO]")
