კოლხეთი-დინამო (ბთ) 0:1 - ისევ შონია, ისევ კომაზეცი... [VIDEO]

ბათუმის "დინამომ" მეორე წრეში გასვლაზე მეორე შეხვედრა ჩაატარა და მეორეც მოიგო, თანაც - ერთნაირი ანგარიშით. ამჯერად, შოთა ჭეიშვილის გაწვრთნილები ფოთის "კოლხეთს" სამტრედიის "ეროსი მანჯგალაძეზე" ესტუმრნენ.

ფოთელებს რამდენიმე მოთამაშე აკლდათ. ამის მიუხედავად, შეხვედრა საკმაოდ დაძაბულად წარიმართა. სტუმრებმა გამარჯვების გოლი პირველივე ტაიმში გაიტანეს. მე-18 წუთზე ნიკოლა კომაზეცმა საჯარიმოსთან თემურ შონია მოძებნა, რომელმაც ძლიერად დაარტყა და კოლხების კარის ბადე შეარხია - 0:1.

აღსანიშნავია, რომ 25 წლის ნახევარმცველმა მეორე წრეში ჩატარებულ სამ შეხვედრაში მეორე გოლის გატანა მოახერხა. სხვათა შორის, შონიას წინა მატჩშიც კომაზეცი დაეხმარა.

რეალური საგოლე მომენტი ნომინალურმა მასპინძლებმაც შექმნეს - კარს თედო კაკულია დაემუქრა, მაგრამ მიხეილ ალავიძემ ბურთს ხელი წაჰკრა და ბათუმელები გადაარჩინა.

სტუმრებს სხვაობის გაზრდის რამდენიმე შესაძლებლობა მიეცათ. მაგრამ იმავე შონიამ, მარკო მიხაილოვიჩმა და გიორგი ქავთარაძემ მომენტებით ვერ ისარგებლეს.

საბოლოოდ, ბათუმის "დინამომ" მნიშვნელოვანი 3 ქულა მოიპოვა, საჩხერის "ჩიხურას" მარცხით ისარგებლა და მე-6 ადგილზე დაწინაურდა.

საქართველოს ეროვნული ჩემპიონატი. უმაღლესი ლიგა. XVII ტური
27.02. სამტრედია. ეროსი მანჯგალაძე
კოლხეთი-დინამო (ბთ) 0:1
გოლი: 0:1 შონია (18. კომაზეცის პასით)
კოლხეთი: ძაგანია, ლ. კაკულია (80. შალიკაშვილი), ა. ჩაკვეტაძე, გოგონაია, თ. კაკულია, ნ. ტუღუში (53. გიგაური), გ. გურეშიძე, თუხარელი, პოლულიახი (76. გ. კვარაცხელია), ჟიშკარიანი, ნიქაბაძე.
სათადარიგოები: ხოფერია, მესხი
მწვრთნელი: გელა სანაია
დინამო: ალავიძე, ტვილდიანი, მიხაილოვიჩი, გოგიტიძე, ქორიძე, შონია, ფონიავა (65. გაბედავა), ქავთარაძე, ვარშანიძე, დიასამიძე (75. გ. კაშია), კომაზეცი (89. თევდორაძე).
სათადარიგოები: მამინაშვილი, სუხიაშვილი, ზ. ქათამაძე, ტეტუნაშვილი
მწვრთნელი: შოთა ჭეიშვილი
გაფრთხილებები: გ. გურეშიძე (38), გოგონაია (60)
არბიტრი: ბ. ნინუა.

ბომბარდირები:
გ. ქვილითაია (დინამო თბ) 15
ნ. კაჭარავა (ცხინვალი) 13
ო. მარცვალაძე (დილა) 13
ბ. ზივზივაძე (სამტრედია) 10
ი. სიხარულიძე (სამტრედოა) 10
დ. ტატანაშვილი (სიონი) 10
გ. ბერიაშვილი (დინამო ბთ) 10

XIX ტური
6 მარტი, კვირა
დინამო (თბ)-მერანი
გურია-ლოკომოტივი
ტორპედო-დინამო (ბთ)
სიონი-საპოვნელა
ცხინვალი-დილა
შუქურა-კოლხეთი
ჩიხურა-ზუგდიდი

7 მარტი, ორშაბათი
სამტრედია-საბურთალო.

ყოველდღიური სპორტული გაზეთი "ლელო"