"მერანი" და "ლოკომოტივი" მატჩში მომხდარ ინციდენტს ეხმაურებიან

მარტვილის "მერანი" გუშინ, 16 აპრილს, სოციალურ ქსელში ბოლო ოფიციალურ თამაშში განვითარებულს მოვლენებს გამოეხმაურა და აღნიშნა, რომ "ლოკომოტივის" მწვრთნელის ქმედებას არანაირი გამართლება არ აქვს.

- "ლოკომოტივი"-"მერანის" მატჩის დროს გაწევ-გამოწევა გვირაბში გაგრძელდა [VIDEO]

გთავაზობთ "მერანის" განცხადების ნაწილს, რომელიც ინციდენტს შეეხება:

"მატჩი თითქოს "მშვიდობიანად" დასრულდა, მაგრამ თამაშის შემდეგ მეტოქე გუნდის მწვრთნელი ჟერარდ სარაგოსა მოექცა ყურადღების ცენტრში, რომელიც ბოლო წუთებზე გაშვებულმა გოლმა აშკარად გამოიყვანა მწყობრიდან და ჩვენი ფეხბურთელების მისამართით სიტყვიერი და ფიზიკური შეურაცხყოფით გამოირჩა, რასაც შეხლა-შემოხლა მოჰყვა და საბოლოოდ სამართალდამცავი ორგანოები რომ არ ჩარეულიყვნენ, ძნელად სავარაუდოა როგორ განვითარდებოდა მოვლენები.

საქართველოს ჩემპიონატში ვინც ჩახედულია და ვინც იცნობს აკაკი წყაროზიას, ყველამ იცის თუ როგორი გამორჩეულია ფეხბურთელი მოედანზე და მოედნის მიღმა წესიერებით. ფეხბურთელი, რომელიც ეკლესიური ცხოვრებით ცხოვრობს და მისგან შორსაა ინციდენტები, გაკვირვებული უყურებდა მისკენ ხელის დასარტყმელად წამოსულ ესპანელ მწვრთნელს. ჯერ უცნობია როგორ შეაფასებს შესაბამისი ორგანო სარაგოსას ქცევას, მაგრამ ერთი რამ ფაქტია, "ლოკომოტივის" მწვრთნელის ქმედებას არანაირი გამართლება არა აქვს!", - წერს "მერანის" "ფეისბუქის" გვერდი.

დღეს, 17 აპრილს, მარტვილელთა ამ განხცადებას "ლოკომოტივი" გამოეხმაურა.

გთავაზობთ წერილს უცვლელად:

"ამ წერილის გავრცელების მიზეზი მარტვილის "მერანის" წინააღმდეგ, ბოლო ოფიციალურ თამაშში განვითარებული მოვლენები გახდა. რა თქმა უნდა ჩვენ, მთელი კლუბი ვიღებთ ჩვენს წილ პასუხისმგებლობას და დიდ მწუხარებას გამოვთქვამ მომხდარი ფაქტის გამო.

დღესდღეისობით ქართულ ფეხბურთი ნამდვილად არ არის ის იმ მოცემულომაში, რომ ასეთი ინცინდენტებით დავამახსოვროთ თავი, როგორც სტადიონზე დამსწრე, ასევე მის გარეთ მყოფ გულშემატკივარს. უნდა აღინიშნოს ის, რომ ჩვენი ყველა ქმედება პირდაპირ პროპორციულად მოქმედებს, დადებითად თუ უარყოფითად იმ ახალ თაობაზე, რომელსაც ეს ყველასთვის საყვარელი სფერო აქვს ამორჩეული. ასე რომ კიდევ ერთხელ გვინდა ხაზი გავუსვათ იმას, რომ ჩვენ ვაანალიზილებთ მომხდარი ფაქტის მნიშვნელობას და ვგრძნობთ უდიდეს პასუხისმგებლობას.

"ლოკომოტივი" თავისი ისტორიიდან გამომდიდენარე ყოველთვის ცდილობდა, რომ ახალგაზრდა ფეხბურთელებისთვის მიეცა კარგი მაგალითი, რათა მათ გასჩენოდათ სწორი შეგრძნებები ამ სპორტის სახეობის მიმართ. ახლაც ვადასტურებთ, რომ სამომავლოდაც ეფექტურად გავაგრძელებთ ამ მიმართულებით მუშაობას.

ჩვენი კლუბი გაეცნო, მარტვილის "მერანის" მიერ გამოქვეყნებული მიმართვას, რომელიც გავრცელდა FACEBOOK-ით ინტერნეტ სივრცეში. ისინი აღნიშნავენ, რომ ლოკომოტივის მთავარმა მწვრთნელმა, ჟერარდ სარაგოსამ ფიზიკური შეურაცმხყოფა მიაყენა "მერანის" ფეხბურთელებს. "ლოკომოტივის" ადმინისტრაცია აცხადებს, რომ მსგავს ფაქტს მთავარი მწვრთნელის მხრიდან ადგილი არ ჰქონია.

სარაგოსა ემოციური, ფიცხი მწვრთნელია და ეს გადაჭარბებული ემოცია, რომელიც მან თამაშზე გამოხატა აუციელებლად იქნება განხილული შესაბამისი სტრუქტურის, კერძოდ სადისციპლინო კომიტეტის მიერ. ჩვენი კლუბი კი, ბუნებრივია, ემორჩილება აღნიშნულ წესდებას და მზად არის მიიღოს ყველანაირი რეკომენდაცია ფეხბურთის ფედერაციის მხრიდან.

რაც შეეხება მარტივილის "მერანის" ხელმძღვანელობას და ზოგადად გუნდს: ჩვენ დიდი იმედი გვაქვს, რომ ეს იქნება ჩვენი ურთიერთობის არა ცუდი, არამედ დადებითი პროცესის დასაწყისი და ვფიქრობთ რომ გუნდს, რომელსაც ამდენი გულშემატკივარი ქალაქიდან ქალაქში დაყვება, განსაკუთრებულად დასაფასებელია და კარგი იქნება თუ მსგავსი ტენდენცია სხვაგანაც დაინერგება.

ასე, რომ რა გითხრათ?! ეს ფეხბურთია და რაც ახლა თქვენ ამ წერილში წაიკითხეთ გვერწმუნეთ, ფეხბურთის განუყოფელი ნაწილია!", - ნათქვამია თბილისური გუნდის განცხადებაში.

შეგახსენებთ, რომ 15 აპრილს, უმაღლესი ლიგის 25-ე ტურის შეხვედრას, რომელიც მიხეილ მესხის სახელობის სტადიონზე თბილისის "ლოკომოტივსა" და მარტვილის "მერანს" (1:1) შორის გაიმართა, ინციდენტების გარეშე არ ჩაუვლია. მატჩის 84-ე წუთისთვის და მერე უკვე მატცის დასრულების შემდეგ გუნდების სამწვრთნელო შტაბს შორის დაპირისპირება მოყვა.

დიდი მადლობა ყურადღებისთვის.

პატივისცემით, საფეხბურთო კლუბ თბილისის ლოკომოტივის ადმინისტრაცია"