საქართველოს ეროვნული ნაკრებისა და თბილისის "დინამოს" ფორვარდ გიორგი ქვილითაიას გადაბირება ბელორუსულ გრანდ ბატე-ს სდომებია. ბოლო დროს დამკვიდრებული ტრადიციის თანახმად, ბორისოვოს კლუბი ჩემპიონთა ლიგაში ითამაშებს.
ბატე-ს უფროსობა მიიჩნევს, რომ გუნდს თავდასხმაში პრობლემები აქვს. პრინციპში, ბოლო დროს გუნდი ძველებურად შედეგიანი ვეღარ არის, თან ქვეყნის თასის ფინალშიც მოულოდნელად დამარცხდა...
თავის მხრივ, თბილისის "დინამო" ყველანაირად ეცდება ქვილითაიას შენარჩუნებას. იურაი იარაბეკის გუნდს სულ მალე ჩემპიონთა ლიგის საკვალიფიკაციო მატჩები ელის. შესაბამისად, გუნდის ბომბარდირთან განშორება ასე იოლი როდია, მით უმეტეს, "დინამოს" ამბიციური გეგმები აქვს...
მკითხველს ეხსომება, რომ
რაც შეეხება ბატე-ს, ამ გუნდს ქართველების წინააღმდეგ რამდენჯერმე უთამაშია ევროთასებზე, ჩვენებურს კი იქ მხოლოდ ერთს გაუგორებია ბურთი - ლაშა დეკანოსიძეს, რომელიც ბატე-ში 2008 წელს მივიდა, თუმცა იქ დამკვიდრება ვერ შეძლო.
(იბეჭდება მცირე ცვლილებით)
ყოველდღიური სპორტული გაზეთი "ლელო"
![ეროვნული ლიგა. XXXII ტური. "სამტრედია" - "დინამო" (თბ) [LIVE]](/pictures/image7/494df8f84eb70414eaecadac75387bbb.png "ეროვნული ლიგა. XXXII ტური. \"სამტრედია\" - \"დინამო\" (თბ) [LIVE]")
![გამორჩეული ოდიშიარია და "რიგასის" საპატიო ფრე "ანდერლეხტთან" [VIDEO]](/pictures/image7/3730e9823073b388ae01bf5f8e313092.jpg "გამორჩეული ოდიშიარია და \"რიგასის\" საპატიო ფრე \"ანდერლეხტთან\" [VIDEO]")
