კიდევ ერთი გარიგებული მატჩი - "ლიახვი" და "იმერეთი" მკაცრად დაისაჯნენ

AutoSharing Option
15 ნოემბერს საქართველოს ფეხბურთის ფედერაციის სადისციპლინო და დავების განმხილველი კომიტეტის სხდომა გაიმართა.

მთავარი საკითხი პირველი ლიგის მორიგ მატჩზე მიღებული უეფას თაღლითური ფსონების ამოცნობის სისტემის ანგარიში იყო. 8 ნოემბერს, ხონის "იმერეთისა" და ცხინვალის "ლიახვის" მატჩის შედეგზე (5:1) მოხდა საეჭვო მანიპულირება, რასაც თფა-ს რაპორტი ადასტურებს. სადისციპლინო კომიტეტი დამატებით გაეცნო ფირს, მოუსმინა მხარეებს და გამოიტანა შემდეგი გადაწყვეტილება:

მატჩის შედეგი გაუქმდა. ხონის "იმერეთი" რაპორტში ზედიზედ მეორედ მოხვედრისა და სხვა მამხილებელი გარემოებების გამო მოხსნილია გათამაშებიდან, გაუნულდა აქამდე დაგროვილი ქულები და დარჩენილ მატჩებში ჩაეთვლება 0:3 წაგება.
გუნდის მენეჯერ სოსო ჩაკვეტაძეს სამუდამოდ აეკრძალა ფეხბურთთან დაკავშირებული საქმიანობა.

ცხინვალის "ლიახვი" დაჯარიმდა 10 000 ლარით და ჩამოაკლდა 6 ქულა.

სადისციპლინო კომიტეტის განცხადებით, ფედერაციას მიეცა მითითება, რომ გააგრძელოს მუშაობა სხვა შესაძლო დამნაშავე პირების გამოვლენისა და შუამდგომლობის წარმოდგენის შესახებ.

სხვა საკითხებზე სადისციპლინო და დავების განმხილველმა კომიტეტმა ასეთი გადაწყვეტილებები მიიღო: მეორე ლიგაში ოჩამჩირის "ამირანს" ფეხბურთელის არამართლზომიერი მონაწილეობის გამო "ალგეთთან" მატჩში ჩაეთვალა 0:3 წაგება, ჩამოაკლდა 3 ქულა და დაჯარიმდა 400 ლარით.

ასევე მეორე ლიგაში, "ვარკეთილი"-"შევარდენის" მატჩში მოედანზე შესვლისა და მსაჯისთვის სიტყვიერი შეურაცხყოფის გამო სტუმართა გუნდის უფროსი გიორგი ნემსაძე დასჯილია 3 მატჩით და 400 ლარით.

gff.ge

მკითხველის კომენტარები / 17 /
მივმართავ ფედერაციას. შინაგან სამინისტროს და პროკურატურას რათა სასწრაფოთ გამოიძიონ ცხინვალის ლიახვის ხელძღვანელობის საქმიანობა. და რატომ გაიგცა მწვრთნელი გუნდიდან.
roma
13:27 18-11-2016
0
მივმართავ ფედერაციას. შინაგან სამინისტროს და პროკურატურას რათა სასწრაფოთ გამოიძიონ ცხინვალის ლიახვის ხელძღვანელობის საქმიანობა. და რატომ გაიგცა მწვრთნელი გუნდიდან.
roma
13:26 18-11-2016
0

სიახლეები პოპულარული