საქართველოს ფეხბურთის ფედერაციის პრესსამსახურის ხელმძღვანელმა ლაშა დვალიშვილმა რადიო "პალიტრასთან" ინტერვიუში ქართველ გულშემატკივრებში გავრცელებულ ხმებს, თითქოს ხორვატიასთან ხვალიდნელ მატჩში ჩვენი ნაკრები დემეტრაძისთვის სოლიდარობის ნიშნად მოედანზე არ გავა, სრული სისულელე უწოდა. "ეს სრული აბსურდი, სისულელე და იდოტიზმია. ასეთი რამ მსოფლიო პრაქტიკაში არასდროს ყოფილა", - განაცხადა დვალიშვილმა.
კითხვაზე, თუ რა პოზიცია აქვს გიორგი დემეტრაძისთვის 6-წლიანი პატიმრობის განაჩენის გამოტანასთან დაკავშირებით, პრესმდივანმა აღნიშნა: "რა პოზიცია უნდა გვქონდეს? ძალიან ვწუხვართ, რომ ასე მოხდა".
