სტადიონზე ხორვატ ფეხბურთელებთან გასაუბრება შეუძლებელი აღმოჩნდა, სამაგიეროდ, რამდენიმე მათგანმა მედიასთან კომენტარი თბილისის აეროპორტში გააკეთა. სტუმართა სიტყვებიდან ოპტიმიზმი და თავდაჯერება გამოსჭვივის.მლადენ პეტრიჩი: "იოლი თამაში ნამდვილად არ გველის, საქართველოს ნაკრებს გულშემატკივართა მხარდაჭერაც გარანტირებული აქვს, მაგრამ ამის მიუხედავად, მჯერა, რომ ხორვატია გაიმარჯვებს."
ივან რაკიტიჩი: "თბილისში გამარჯვებით ევროპის ჩემპიონატის ფინალურ რაუნდს კიდევ ერთი ნაბიჯით მივუახლოვდებით და ამიტომაც ამ მატჩის მნიშვნელობა კარგად გვესმის. მეტოქე ხელწამოსაკრავი არ გვყავს, მაგრამ გამარჯვების დიდი იმედი მაქვს."
იოსიპ შიმუნიჩი: "გამარჯვების გარდა, სხვა შედეგი ჩემთვის მიუღებელი იქნება. ხორვატია საქართველოზე ძლიერია,
დღევანდელ დაპირისპირებაზე თავისი აზრი დავორ შუკერმაც გამოთქვა: "თბილისში სასიამოვნო ამინდი დაგვხვდა და მგონია, რომ თამაშიც კარგი გამოვა. სტუმრად ვთამაშობთ, მაგრამ მხოლოდ გამარჯვებაზე ვფიქრობთ."
ფოტო: თამუნა ყულუმბეგაშვილი
.
